Salmo 130 - Marahay na Bareta Biblia

Pamibi Tanganing Tabangan

¹ Hale sa kairaroman minaagrangay ako saimo, Kagurangnan!

² Kagurangnan, dangoga an sakong tingog! Hinanyoga an sakong mga pakimaherak!

³ Kagurangnan, kun itinala mo an mga kasalan, siisay an matagal, Kagurangnan?

⁴ Alagad yaon saimo an pagpatawad, tanganing ika samong katakotan.

⁵ An kalag ko naghahalat kan tabang nin Kagurangnan; an saiyang tataramon iyo an sakong linalaoman.

⁶ Naghahalat ako sa Kagurangnan, orog pa sa mga bantay na naghahalat kan kaagahon, kan mga bantay na naghahalat kan kaagahon.

⁷ O Israel, maglaom ka sa Kagurangnan! Huli ta nasa saiya an danay na pagkamoot, asin an kapanoan nin kaligtasan.

⁸ Tutuboson niya an banwaan nin Israel sa gabos nindang kasalan.