Salmo 125 - Marahay na Bareta Biblia

Kasarigan kan Banwaan nin Dios

¹ An mga nananarig sa Kagurangnan nakakabaing sa Bukid nin Sion, na dai nanggad matatanyog, kundi magdadanay sagkod lamang.

² Siring na an Jerusalem napapalibotan nin kabukidan, pinapalibotan man nin Kagurangnan an saiyang banwaan ngunyan asin sagkod pa man.

³ Huli ta an mga tampalasan dai maghahade sa daga na ipinamana sa mga matanos, ta tibaad sagkod an mga matanos maggibo nin karatan.

⁴ Kagurangnan, gibohi nin marahay an mga tawong marahay, asin an mga tawong matanos an puso.

⁵ Alagad kun padusahan mo na an mga tampalasan, padusahan mo man an mga minasuhay sa saimong mga dalan. An katoninongan mapasa-Israel!