Salmo 123 - Marahay na Bareta BibliaPamibi Tanganing Kaherakan 1 Kagurangnan, sa saimo itinitingkalag ko an sakong mga mata; sa saimo, na nag-eerok sa kalangitan. 2 Siring na an sorogoon naghihiling sa saiyang kagurangnan, siring na an babaeng sorogoon naghihiling sa saiyang babaeng kagurangnan, kami man naghihiling saimo, Kagurangnan nyamong Dios, sagkod na maherak ka sa samo. 3 Kaheraki kami, Kagurangnan, kaheraki kami; huli ta haloy na kaming ikinakaongis nin marahay. 4 Haloy na kaming pinag-oolog-olog kan mga mayaman, asin ikinakaanggot kan mga mapaabaw-abaw. |
Marahay na Bareta Biblia © Philippine Bible Society, 1992.
Philippine Bible Society