Salmo 120 - Marahay na Bareta Biblia

Pamibi Tanganing Tabangan

¹ Kan ako nasa kahorasaan, nag-apod ako sa Kagurangnan tanganing simbagon niya ako:

² “Ligtasan ako, Kagurangnan, sa mga ngosong putikon, sa dilang madaya.”

³ Kamong mga madaya, ano an gigibohon nin Dios saindo? Paano an pagpadusa niya saindo?

⁴ Huli sa mga bosog nin sarong paralaban, huli sa mga baga na naglalaad!

⁵ Herak man sako na nakikimanwa ako sa Mesek; na nakikierok ako sa mga tolda nin Kedar.

⁶ Haloy akong nag-erok kaiba kan mga tawong anggot sa katoninongan.

⁷ Ako para sa katoninongan, alagad kun ako minataram, boot ninda an ralaban.