Salmo 101 - Marahay na Bareta Biblia

An Panuga nin Sarong Hade

¹ Aawiton ko an pagkamaimbod asin an katanosan; aawiton ko saimo, Kagurangnan.

² Ako malakaw sa dalan nin kabanalan. Nuarin ka madalaw sakuya? Sa sakuyang harong mamumuhay ako na malinig an puso,

³ asin dai ko tutugotan an anoman na maraot. Naoongis ako sa gibo kan mga nagtalikod sa Dios; dai iyan makakaharani sako.

⁴ An karatan sa puso magigin harayo sako; dai ako makikilabot sa anoman na maraot.

⁵ An nagtutugod-tugod sa saiyang kapwa sakuyang gagadanon. An tawong hambogon asin mapaabaw-abaw dai ko matitios.

⁶ Nawiwilihan ko an mga maimbod sa Dios; tutugotan ko sindang mag-erok sa sakuyang harong. An naglalakaw sa dalan nin kabanalan tutugotan kong maglingkod sako.

⁷ Mayo nin putikon na maerok sa sakuyang harong; mayo nin parasagin-sagin na magdadanay sa sakuyang atubang.

⁸ Aroaldaw gagadanon ko an gabos na tampalasan sa daga, papahaleon ko sa syudad nin Kagurangnan an gabos na paragibo nin karatan.