Salmo 100 - Marahay na Bareta Biblia

Sarong Awit nin Pag-omaw

¹ Bilog na kinaban, maogmang mag-awit ka sa Kagurangnan!

² Maogmang maglingkod ka sa Kagurangnan! Magdolok ka sa atubang niya asin mag-awit nin maogma!

³ Midbidon mo na an Kagurangnan iyo an Dios! Linalang niya kita, asin sadiri niya; kita an saiyang banwaan, mga karnero na saiyang ataman.

⁴ Lumaog sa saiyang mga trangkahan na may pasalamat, dumuman sa saiyang mga patyo na may pag-omaw. Pasalamatan siya asin omawon an saiyang ngaran!

⁵ Marahayon an Kagurangnan; an saiyang pagkamoot daing kasagkoran, an saiyang pagkamaimbod magdadanay sagkod pa man.