1 Mga Cronica 3 - Marahay na Bareta Biblia

An mga Aking Lalaki ni Hadeng David

^1-3 Iyo ini an mga aking lalaki ni David na namundag duman sa Hebron: Si Amnon, an matua, na an ina iyo si Ahinoam na taga Jezreel Si Daniel, an ikaduwa, na an ina iyo si Abigail na taga Carmelo Si Absalom, an ikatolo, na an ina iyo si Maaca na aki ni Talmai na hade kan Gesur Si Adonias, an ikaapat, na an ina iyo si Haggit Si Sefatias, an ikalima, na an ina iyo si Abital Si Itream, an ikaanom, na an ina iyo si Egla.

⁴ An anom na ini nagkamurundag sa Hebron, na pinaghadean niya nin pitong taon may anom na bulan. Naghade siya sa Jerusalem sa laog nin treynta y tres na taon;

⁵ nagkaigwa siya duman nin dakul na aki. Ki Batsheba, na aking babae ni Ammiel, nagkaigwa siya nin apat na aking lalaki na iyo si Simea, Sobab, Natan, asin Solomon.

⁶ Nagkaigwa pa siya nin siyam na aking lalaki na iyo si Ibhar, Elisua, Elpelet,

⁷ Noga, Nefeg, Jafia,

⁸ Elisama, Eliada, asin Elifelet.

⁹ Laen pa kaini, nagkaigwa si David nin mga aking lalaki sa saiyang mga kasaroan. Nagkaigwa man siya nin sarong aking babae na an ngaran Tamar.

Mga Kapagarakian ni Hadeng Solomon

¹⁰ Iyo ini an mga kapagarakian ni Solomon: an saiyang aki na si Rehoboam iyo an ama ni Abias, na ama ni Asa, na ama ni Jehosafat;

¹¹ aki ni Jehosafat si Jehoram, na ama ni Ahazias, na ama ni Joas;

¹² aki ni Joas si Amazias, na ama ni Uzzias, na ama ni Jotam;

¹³ aki ni Jotam si Ahaz, na ama ni Ezekias, na ama ni Manases;

¹⁴ aki ni Manases si Amon, na ama ni Josias.

¹⁵ Nagkaigwa nin apat na aking lalaki si Josias na iyo si Johanan, Jehoiakim, Zedekias, asin Sallum.

¹⁶ Duwa an aking lalaki ni Jehoiakim; si Jehoiakin asin si Zedekias.

Mga Kapagarakian ni Hadeng Jehoiakin

¹⁷ An pitong aking lalaki ni Hadeng Jehoiakin na binihag kan mga taga Babilonia, iyo si Shalatiel,

¹⁸ Malkiram, Pedaias, Senazar, Jekamias, Hosama, asin Nedabias.

¹⁹ Duwa an aking lalaki ni Pedaias: si Zerubabel asin si Simei. Duwa an aking lalaki ni Zerubabel: si Mesullam asin si Hananias; saro an aki niyang babae na iyo si Selomit.

²⁰ Igwa pa siya nin limang aking lalaki na iyo si Hasuba, Ohel, Berekias, Hasadias, asin Jusab-hesed.

²¹ An mga aking lalaki ni Hananias iyo si Pelatias asin Jesaias. Si Jesaias iyo an ama ni Refaias, na ama ni Arnan, na ama ni Obadias, na ama ni Secanias.

²² Saro an aking lalaki ni Secanias: si Semaias, na nagkaigwa nin limang aking lalaki na iyo si Hattus, Igal, Barias, Nearias, asin Safat.

²³ An tolong aking lalaki ni Nearias iyo si Elioenai, Hizkias, asin Azrikam.

²⁴ An pitong aking lalaki ni Elioenai iyo si Odavias, Eliasib, Pelaias, Akkub, Johanan, Delaias, asin Anani.