1 Mga Cronica 27 - Marahay na Bareta Biblia

Manlaen-laen na Grupong Nagpapadalagan kan Trabaho

¹ Iyo ini an lista kan mga Israelita, na pamayo nin mga pamilya, saka an mga lider nin mga kamaganakan, asin an saindang mga opisyal na nagpalakaw kan trabaho sa kahadean. Lambang bulan kan taon, igwa nin sarong grupo na namamahala; lambang grupo igwa nin beynte y kwatro mil na kaayon, na nasa irarom kan pamamahala nin sarong pamayo.

^2-15 Iyo ini an mga pamayo para sa lambang bulan kan taon: Enot na bulan: si Jasobeam na aking lalaki ni Zabdiel (kabilang siya sa kamaganakan ni Perez, na kabtang kan tribu ni Juda) Ikaduwang bulan: si Dodai, saro sa kapagarakian ni Ahohi (si Miklot iyo an katabang na lider) Ikatolong bulan: si Benaias na aking lalaki kan padi na si Jehoiada; siya an lider kan “An Treynta” (an saiyang aking lalaki na si Amizabad iyo an nagin kasalihid niya bilang lider kan grupong ini) Ikaapat na bulan: si Asahel, tugang na lalaki ni Joab (an saiyang aking lalaki na si Zebadias iyo an nagin kasalihid niya) Ikalimang bulan: si Samhut, sarong kapagarakian ni Izar Ikaanom na bulan: si Ira na aking lalaki ni Ikkes na taga Tekoa Ikapitong bulan: si Helez, an Pelonita na gikan ki Efraim Ikawalong bulan: si Sibecai na taga Husa (kaayon siya sa kamaganakan ni Zera na kabtang kan tribu ni Juda) Ikasiyam na bulan: si Abiezer na taga Anatot, sa teritoryo kan tribu ni Benjamin Ikasampolong bulan: si Maharai na taga Netofa (kaayon siya sa kamaganakan ni Zera) Ikaonseng bulan: si Benaias na taga Piraton, sa teritoryo kan tribu ni Efraim Ikadoseng bulan: si Heldai na taga Netofa (saro siya sa kapagarakian ni Otniel)

An mga Pamayong Opisyal kan mga Tribu

^16-22 Iyo ini an mga pamayong opisyal kan mga tribu nin Israel: Tribu Pamayo Ruben Eliezer na aking lalaki ni Zikri Simeon Sefatias na aking lalaki ni Maaca Levi Hasabias na aking lalaki ni Kenuel Aaron Zadok Juda Elihu, saro sa mga tugang ni Hadeng David Issakar Omri na aking lalaki ni Miguel Zabulon Ismaias na aking lalaki ni Obadias Neftali Jerimot na aking lalaki ni Azreel Efraim Oseas na aking lalaki ni Asaias Manases sa Solnopan Joel na aking lalaki ni Pedaias Manases sa Sirangan Iddo na aking lalaki ni Zacarias Benjamin Jaasiel na aking lalaki ni Abner Dan Azarel na aking lalaki ni Jeroham

Tribu Pamayo

²³ Dai binilang ni David an mga tawong dai pa nakaabot sa beynte an edad, huli ta nanuga an Kagurangnan na an Israel gigibohon niyang siring kadakul kan mga bitoon sa langit.

²⁴ Si Joab, na an ina iyo si Zeruias, nagpoon sa pagsenso alagad dai niya natapos. Huli kan pagsensong ini, pinadusahan nin Dios an Israel; kaya an mga bilang dai man ikinasurat sa mga opisyal na lista ni Hadeng David.

An mga Administrador kan mga Rogaring kan Hade

^25-31 Iyo ini an mga administrador kan mga rogaring kan hade: si Azmavet, na aking lalaki ni Adiel, iyo an administrador kan mga kwartong sarayan kan mga kayamanan kan hade. Si Jonatan, na aking lalaki ni Uzzias, iyo an administrador kan mga kwartong sarayan kan mga kayamanan sa mga banwa, mga syudad, mga baryo saka mga bantayan; an administrador kan mga trabaho sa kaomahan iyo si Ezri na aking lalaki ni Kelub; kan mga ubasan, si Simei na taga Rama; kan mga kwartong sarayan nin arak, si Zabdi na taga Sefam; an administrador kan mga kahoy na oliba saka sikomoro sa Sefela, si Baal-hanan na taga Geder; kan mga sarayan kan lana nin oliba, si Joas; an administrador kan mga baka na nasa Kapatagan nin Sharon, si Sitrai na taga Sharon; kan mga baka na nasa mga kapantayan, si Safat na aking lalaki ni Adlai; kan mga kamelyo, si Obil na Ismaelita; kan mga asno, si Jedeias na taga Meronot; kan mga karnero saka mga kanding, si Jaziz na Hagreo. Ini gabos iyo an mga administrador kan mga rogaring kan hade.

An Personal na mga Parahatol ni David

³² Si Jonatan, na tiyo ni David, sarong lalaking marahay na parahatol asin eskriba. Siya asin si Jehiel, na aking lalaki ni Hakmoni, iyo an namahala kan pag-aradal kan mga aking lalaki kan hade.

³³ Si Ahitofel iyo an parahatol kan hade, asin si Husai na Arkita iyo an katood kan hade.

³⁴ An nagin kasalihid ni Ahitofel bilang parahatol iyo si Jehoiada, na aking lalaki ni Benaias, saka si Abiatar. Si Joab iyo an pamayo kan hukbo kan hade.