Yombi 17 - Livulu lya Shukulu Kalunga

¹ Mbunge yange inazeye, matangwa ange amandondo, co mbumbo inanjivandamena.

² Mwa vushunga vaka-kunjishendumuna vananjizengeleka. Co lisho lyange linamono muvali nakunjishangumuka.

³ Njambi, njinapu muka-kulongwa. Tambula lijwi lyange. Kukwesi umo weka lalo akundwiya evi vinjendeka.

⁴ Omu mukemwo unashoko mana avo, co kesi utave vanjilyatangele.

⁵ Mu cisimo calaja, munu wenda vungungu vasamba vendi omwo a vimbongo, co vana vendi valinakuyanda omwo a cuma eci.

⁶ Co ololo vanu valinakupangesa cisimo eci ali yange, co vaija nakunjijekwila mu luholo lwange.

⁷ Co mesho ange lalo anatsitsivala omwo yakulila manene, mavoko ange na mendi ange vinayondwa.

⁸ Vaje valitumbula kupwa vaka-kulongwa, vakalikomokela, co voshe vanjihisa ngwe nji muka-vuvi.

⁹ Vaje valitumbula kupwa vaka-vulemu, vanavetesa kupwa vaka-vushunga.

¹⁰ Nga voshe vezile nakwimana kulutwe lwange, co nga naumo wai njinesi kuwaneneo muka-mana.

¹¹ “Matangwa ange anahu, co matumbe ange anonwa, na cinyangavili cange cinahu.

¹² Oloni vasamba vange vendeka ngwavo vutsiki vukevwo mutanya, co vendeka ngwavo ceke cili muyehi, oloni yange njazivuka ngeci njicili mu lisusulungu.

¹³ Oloni cinyangavili cange cili lika ku lifuti lya vatsi, kuje njikalala mu lisusulungu.

¹⁴ Co njikatumbula mbumbo ngwange tate, na mainyo vaje vakanjilya, njikavatumbula vanana na vandokazi vange.

¹⁵ Cooni cinyangavili cange cili kulijo? Co iyajo nacimono?

¹⁶ Cinyangavili kucikai amolika nange, omo njikashelumuka ku lifuti lya vatsi.”