Visimo 18 - Livulu lya Shukulu Kalunga

¹ Vanu vakujeneka kulizilila na vakwavo vakashaka lika kulinga mwaya cizango cavo, vakavyana vushunga vuje vuvazivuka vakwavo.

² Cilema kesi na mulonga nambe nga azivisisa cuma nambe nga kacizivisisa, oloni ikeye akashaka lika kumwesa viyongola vyendi.

³ Kulinga vuvi kunena shwamwa nakukuyeluwisa.

⁴ Majwi a munu wa mana anapu ngwe mema akutunda ku kavwelu-vwelu kakulova.

⁵ Kesi mwamuvwa kusingimika muka-mulonga, nambe kuvindika munu wa mulonga ngeci kesi awane vuvwa.

⁶ Omo cilema ashangumuka vimata, co ashangumuna lwozi.

⁷ Omo cilema endeka aliviisa ikeye vavenya, endekesi yendi inapu nganjo yakulitela ikeye vavenya.

⁸ Majwi a muka-kufweya anapu ngwe vyakulya vyakutovala, akakovela mwimo.

⁹ Muka-kupanga vipangi vyendi na vulwa, napu kavushoko ka munu muka-kushangumuna vukalu.

¹⁰ Shukulu Kalunga wapwa cimpaka ca nzili, muka-vushunga atewelako, co akovoka.

¹¹ Vaka-kufuka vakayongola ngeci, vufuko vwavo vwasa kuvanyunga ngwe civumbe cacilaja cakukola cakuzengeleka nganda.

¹² Kulyalesa kutwala kukunyonga, kulikeesa kutwala ku kasingimiko.

¹³ Akulivanga tolilila simbu kanda ukumbulule, nga ukumbulula omo kanda uzivisise ulikokela lika shwamwa na vulema.

¹⁴ Mbunge yove inapande kusimpa omo uvinja, oloni nacimo cai cikwasa nga mbunge yove izeya.

¹⁵ Vaka-mana vali na cishota-mbunge cakuzivuka mana, co matwi a vaka-kunyanyama ashaka mana.

¹⁶ Yove ushaka kuwana mwela ku munu wa vulemu ndi? Mutwalele vwana, co cikapwa cacasi kulizilila nendi.

¹⁷ N̄anda ya munu wakulivanga kwendeka mu mbanja, simbu yoshe yapwa ngwe ya vushunga kuvanga noo muka-kumulwisa naija nakumwihula vihula.

¹⁸ Nga vanu vavali valinga vimata mu mbanja, co akuta n̄ela vimata vyavo vihwa.

¹⁹ Kukwasa ndolome yove kunapu ngwe nganda yakukola, oloni kulijokota kunapu ngwe tupateso twa ku njuvo.

²⁰ Majwi ove apwe amavwa, nga ulingamo, co ukamona ngeci unalingi cuma cacivwa.

²¹ Vyendeka vyove vyasa kukuyoyesa nambe kukutsiisa, co unapande kunyunga majwi aje wendeka.

²² Uje awana munakazi awana cuma cacivwa, co awana kutetela kuli Shukulu Kalunga.

²³ Omo kautu endeka alikeesa, oloni omo fuki akumbulula, majwi endi apwa akushaula.

²⁴ Munu wa vasamba vavangi alinyongesa ikeye vavenya, oloni musamba wa vushunga wa a mbunge natuvakana kavushoko.