Visimo 12 - Livulu lya Shukulu Kalunga

¹ Woshe uje azema mana azema kumunangula, oloni uje azinda kumwendekela napu cilema.

² Munu wamuvwa akawana kutetela kuli Shukulu Kalunga, oloni Shukulu Kalunga ahisa munu muka-matumbe amavi.

³ Vuvi kuvwasa kwana kwoloka, oloni vaka-vushunga vakemana mbe ngwe muti uli na mizi yawo mu livu.

⁴ Munakazi wamuvwa napu cuma ca seo kuli munalume wendi, oloni munakazi uje azivisa shwamwa munalume wendi, napu ngwe mushongo wa lulanga mu vitsiya vya munalume wendi.

⁵ Matumbe a vaka-vushunga apwa amavwa, oloni kunangula kwa vaka-vuvi kwapwa kwa makuli.

⁶ Kunangula ca makuli capwa mweto wauvi, oloni kunangula ca vushunga capwa ngwe ntelo.

⁷ Vaka-vuvi vakavalwisa, co kuvaseze vatekulwila, oloni voshe vaje vaka-vushunga kuvakavawisila asi.

⁸ Munu muka-mana vakamushangazala, oloni cilema vakamukenga na shwamwa.

⁹ Mwamuvwa kupwa munu wangoco mukupangela kuyoya, kutuvakana kulyaka ku vukama oku uli na njala.

¹⁰ Muka-vushunga anyunga mwamuvwa vimuna vendi, oloni vaka-vuvi vakala na muuka ku vimuna vavo.

¹¹ Ndimi muka-kuundangana manene akakala na vyakulya vyavingi, oloni cinapu vulema kuviisila simbu a vyuma vyangoco.

¹² Vaka-vuvi vakashaka kuwana vyuma vyavivi ngeci vavilinge, oloni vaka-vushunga vemana mbe ngwe muti uli na mizi yawo mu livu.

¹³ Muka-vuvi akalitela nganjo ikeye vavenya na majwi endi a makuli, oloni muka-kulongwa akalitundisa ikeye vavenya mu vukalu.

¹⁴ Cikandelela cove nambe kunyanyama kwove kunemana a vyuma vije wendeka, na vyuma vije ulinga.

¹⁵ Vilema simbu yoshe vakayongola ngeci vakevo vazivuka vyuma vyavivwa manene, oloni vaka-mana vakatolilila kukuvanangula.

¹⁶ Kuluvala cinapu vulema, oloni kulimbulula matuka kunapu cuma ca mana.

¹⁷ Mukaleo wa vushunga akambulula vukaleo vwa vushunga, oloni mukaleo wa makuli akambulula vukaleo vwa makuli.

¹⁸ Kwendeka majwi a lishamena avinjisa ku mbunge ngwe munu vativi moko ya mukwale, oloni majwi akwendeka mwamuvwa akahwimisa mbunge.

¹⁹ Muka-makuli akayoyo kasimbu kakandondo lika, oloni muka-vushunga akayoyo myaka yoshe.

²⁰ Visinganyeka vyavivi vyapwa vya makuli, oloni viyongola vyavivwa vinena kuvwaelela.

²¹ Nacimo cuma cacivi cai ciija kuli muka-vushunga, oloni vaka-vuvi vakawana lika tuyando.

²² Shukulu Kalunga wazinda vanu vaka-makuli, oloni avwaelela na vanu vaje valinga vya vushunga.

²³ Vaka-mana vakasimpi na vyuma vije vazivuka, oloni vilema vambulula lika vulema kwoshe-ikwoshe.

²⁴ Undangana manene, co upwa u ntwama, kala na vulwa, co upwa u ndungo.

²⁵ Cishota-mbunge capwa citele cakulema, oloni majwi a ngozi anena kuvwaelela.

²⁶ Muka-vushunga napu cimweso ku mukwavo, oloni ngila ya muka-vuvi ivazimbalesa.

²⁷ Nga wapwa u mulwa kuwasa kuwana vije viwushakezeka, oloni nga uundangana, co ukavezika.

²⁸ Vushunga vwapwa ngila yakuya ku mwonyo, co vuvi vwapwa ngila yakuya ku kutsa.