Visimo 10 - Livulu lya Shukulu Kalunga

Visimo vya Solomoni

¹ Evi vikevyo visimo vya Solomoni. Mwana wa mana avwaelelesa ishe, oloni mwana wakweeva akolesa vaina shwamwa.

² Vufuko vwakuwana mu ngila yaivi kuvwesi na seo, oloni kulongwa kwamena mwonyo wove.

³ Shukulu Kalunga kakatava vaka-vushunga vakale na njala, oloni vaka-vuvi avavindika kuwana vije vivashaka.

⁴ Kukala na vulwa kunena vuutu, oloni kupanga na nzili cikupwisa ufuki.

⁵ Munu muka-mana aungulula vimbuto a simbu ya kuteja, oloni cinapu cuma ca shwamwa kulala a simbu ya kuteja.

⁶ Muka-vushunga atambula vivezikiso, oloni vuvi vuvanda mu majwi a vaka-vuvi.

⁷ Vanu vaka-vushunga simbu yoshe vakavanuka ngwe civezikiso, oloni vaka-vuvi vakavevala.

⁸ Munu muka-mana akatava kumunangula. Oloni vaka-kwendeka vya vulema vakanyonga.

⁹ Uje enda mu vushunga ikeye enda mu kwoloka, oloni uje enda mwa kupenga-penga vakamukwata.

¹⁰ Munu wa kwendeka vushunga anena vukalu, oloni uje endeka civembulu anena kwoloka.

¹¹ Majwi a muka-vushunga anapu lisima lya mwonyo, oloni vuvi vunavanda mu majwi a vaka-vuvi.

¹² Cizindo cikashangumuna vimata, oloni cizemo cifwika milonga yoshe.

¹³ Vihwanga vakendeka vya mana, oloni vilema vashaka lika kuvahisa.

¹⁴ Vaka-kunyanyama vakawana mana, oloni vilema vanena lika vukalu.

¹⁵ Vufuko vwa muka-kufuka vunapu cimpaka cendi, oloni vuutu vunyongesa kautu.

¹⁶ Cikandelela ca muka-vushunga cinapu mwonyo, oloni vuvi vutwamenena lika ku vuvi vwakama.

¹⁷ Vanu vaje vatolilila omo vavanangula vakayoya, oloni vaje kuvatava ngeci vanaviisa, vali mu vushonde.

¹⁸ Munu muka-kushweka cizindo cendi wapwa muka-makuli, co munu woshe uje afweya napu cilema.

¹⁹ Kwendeka manene kukakoko kuviisa, nga wanyanyama, oloka lika kuluu.

²⁰ Majwi a muka-vushunga anapu ngwe siliva yakujela, oloni viyongola vya muka-vuvi vinapu vyangoco.

²¹ Majwi a muka-vushunga ahwimisa vimbunge vya vanu vavangi, oloni nga u cilema, co wasa kulitsiya lika yove vavenya a mana.

²² Civezikiso ca Shukulu Kalunga cikeco cikufukisa. Kupanga na nzili kucasa kukufukisa.

²³ Cinapu vulema kujolela akulinga vuvi, vihwanga vavwaelela na mana.

²⁴ Vaka-vushunga vakawana vivashaka, oloni vaka-vuvi vakawana vije vivajujwisa manene.

²⁵ Lihunzi lyakama liija, co vaka-vuvi vakapekumukila kulyala, oloni vaka-kulongwa Njambi akavemanesa mbe.

²⁶ Kesi utume mulwa akupangele cuma cimo, ikeye napu ngwe vinyu vyakungangamena ku mayo ove, nambe ngwe vwisi vutapata mu mesho ove.

²⁷ Nga wononoka Shukulu Kalunga, co ukayoya simbu yakama, oloni vaka-vuvi vakatsi omo simbu yavo kanda yete.

²⁸ Cinyangavili ca muka-vushunga citwamenena kukujolela, oloni vaka-vuvi navimo vyai vakengelela.

²⁹ Shukulu Kalunga akanyungu vaka-kulongwa, oloni akanyongesa vaje vaka-kulinga vya kupenga-penga.

³⁰ Vaka-vushunga simbu yoshe vakakala mwamuvwa, oloni vaka-vuvi kuvakakala mu lifuti.

³¹ Vaka-vushunga vakendeka vya mana, oloni ndaka ije yendeka vya vuvi vakayolwesa.

³² Vaka-vushunga vazivuka vyuma muka vivanapande kwendeka, oloni vaka-vuvi simbu yoshe vakendeka vyuma vije vivavalesa munu ku mbunge.