Njelemiya 47 - Livulu lya Shukulu Kalunga

Majwi a Shukulu Kalunga a Filisitiya

¹ Simbu kanda mwene wa Ingito alwise Ngaza, Shukulu Kalunga wendekele kuli yange ngeci njileke vaFilisitiya,

² Wendekele ngwendi, “Kenga, mema alinakukatuka ku kunto, akapwa ngwe ndonga yakujalela. Akakupula lifuti na vyoshe vilimo, na vinganda na vanu vaje valinakukalamo. Vanu vakatambeka ngeci vavakwase, voshe vaje vakala mu lifuti vakatendeka manene.

³ Vakaziva cililimo ca vimbemba vya tuvalu, na cililimo ca mavalo a matemba. Visemi vakaseza vana vavo, omwo ya lyova manene.

⁴ Simbu inete yakunyongesa Filisitiya, naumo wai akasalao mukukwasa vinganda vya Tile na Sindone. Yange Kalunga, njikanyongesa vaFilisitiya voshe vaje vatundile ku vikuma vya Kelete.

⁵ Vusiwa vwakama vunaija kuli vanu va ku Ngaza, vanu va ku Ashekelone vanoloka kuluu. Visimbu vingaijo vaFilisitiya vakalila?

⁶ Mulinakulila ngweni, ‘Mukwale wa Shukulu Kalunga! Visimbu vingaijo ukatwalao kutetanga? Iluka mu cindalo cove, co kala muje uhwime!’

⁷ Oloni vatijo mukwale wange ukahwima, omo njinawana vipangi ngeci upange? Njinaushiki kulwisa Ashekelone, na vanu vaje vakala ku ngenge ya mema a kalunga.”