Nehemiya 7 - Livulu lya Shukulu Kalunga

¹ Ngecivene, civumbe vacitungulwile, co na vikolo vyoshe vavyakele mu myela yavyo, na vaka-kunyunga ku Njuvo ya Shukulu Kalunga, na mbunga yakujela ya vaka-kwimba, naveka lalo vaLevi vavaanene cipangi cavo.

² Cooni njaakele vanu vavali vaka-kupangesa nakwendesa nganda ya Yelusalema, ndolome yange Hanani na Hananiya, mwata wa mashwalale va cimpaka ca vutewelo. Hanani wapwile munu wamuvwa muka-kukomoka Njambi, kukwesi umo walyesekele nendi wai.

³ Njavalekele ngeci kesi vashokolole vikolo vya Yelusalema ku mutondo embwe kuvanga noo kunaki mwamuvwa, litangwa omo litoka vaka-kunyunga simbu kanda vaciye, vashoke mapito nakuwapata mwamuvwa. Njavalekele lalo ngeci vemike vaka-kunyunga vakutunda akati ka vanu ava vakala mu Yelusalema, co vamo vavaleke mitambela yavo ivakanyunga, co vakwavo lalo vendangane nakunyunga mu mitambela ya vinjuvo vyavo vavenya.

Mukana wa vaje velukile kutunda ku vunzinda

⁴ Yelusalema yapwile nganda yakama manene, oloni kumwakele vanu vavangi manene, co lalo kuvatungililemo vinjuvo vyavingi.

⁵ Ngecivene, Njambi wacakele mu mbunge yange ngeci njikungulule vanu na vantwama vavo na vamyata, kwilula livulu lya naanga yavo. Njawanene livulu lya vaje velukile kutunda ku vunzinda akulivanga, co ovu vukevwo vukaleo vunjawanene.

⁶ Co vinzinda vavangi vatundile mu lifuti lya Mbambilone, velukile ku Yelusalema na ku Yunda, munu na munu welukile mu limbo lyendi. Naanga yavo vakele mu vunzinda mu Mbambilone tunde aje Mwene Nevukaneza wavatwalele kuje.

⁷ Vantwama vavo vapwile Zelumbambele, na Yoshwa, na Nehemiya, na Azaliya, na Lamiya, na Nahamani, na Molendekai, na Mbileshane, na Misepale, na Mbingevai, na Nehume, na Mbana.

⁸ Ou ukewo mukana wa vikota vya Isalele, vungi vwa vaje vatundile ku cikota na cikota vaje velukile kutunda ku vunzinda. Ku cikota ca Paloshe vapwile 2,172.

⁹ Ku cikota ca Shefatiya vapwile 372.

¹⁰ Ku cikota ca Ala vapwile 652.

¹¹ Ku cikota ca Pahate Mowavi vatekulwila va Njeshuwa na Yowave vapwile 2,818.

¹² Ku cikota ca Elame vapwile 1,254.

¹³ Ku cikota ca Zatu vapwile 845.

¹⁴ Ku cikota ca Zakai vapwile 760.

¹⁵ Ku cikota ca Mbinui vapwile 648.

¹⁶ Ku cikota ca Mbevai vapwile 628.

¹⁷ Ku cikota ca Azengande vapwile 2,322.

¹⁸ Ku cikota ca Andonikame vapwile 667.

¹⁹ Ku cikota ca Mbingevai vapwile 2,067.

²⁰ Ku cikota ca Andine vapwile 655.

²¹ Ku cikota ca Atele (uje ivatumbwile lalo Hezekiya) vapwile 98.

²² Ku cikota ca Hashume vapwile 328.

²³ Ku cikota ca Mbezai vapwile 324.

²⁴ Ku cikota ca Halife vapwile 112.

²⁵ Ku cikota ca Ngimbiyone vapwile 95.

²⁶ Vanu vaje vakukulwila vavo vakele mu vinganda evi navo lalo velukile. Vaje vakele mu Mbetelehema na mu Netofa vapwile 188.

²⁷ Vaje vakele mu Anatote vapwile 128.

²⁸ Vaje vakele mu Mbete Azemavete vapwile 42.

²⁹ Vaje vakele mu Kilyate Njelime, na Kefila, na Mbelote vapwile 743.

³⁰ Vaje vakele mu Lama na mu Ngemba vapwile 621.

³¹ Vaje vakele mu Mikemashe vapwile 122.

³² Vaje vakele mu Mbetele na mu Ai vapwile 123.

³³ Vaje vakele mu Nembo ikwavo vapwile 52.

³⁴ Vaje vakele mu Elame ikwavo vapwile 1,254.

³⁵ Vaje vakele mu Halime vapwile 320.

³⁶ Vaje vakele mu Yeliko vapwile 345.

³⁷ Vaje vakele mu Londe, na mu Handinde, na mu Ono vapwile 721.

³⁸ Vaje vakele mu Sena vapwile 3,930. Ou ukewo mukana wa vikota vya vaka-kukombelela vaje velukile ktunda ku vunzinda.

³⁹ Vaka-kukombelela va ku cikota ca Yendaya mutekulwila wa Njeshuwa vapwile 973.

⁴⁰ Va ku cikota ca Imeli vapwile 1,052.

⁴¹ Va ku cikota ca Pashehule vapwile 1,247.

⁴² Va ku cikota ca Halime vapwile 1,017.

⁴³ Vikota vya vaLevi vaje velukile kutunda ku vunzinda, Njeshuwa na Kandimyele vatekulwila va Hondaviya vapwile 74.

⁴⁴ Vaka-kwimba mu Njuvo ya Shukulu Kalunga, vatekulwila va Asafe vapwile 148.

⁴⁵ Vaka-kunyunga ku Njuvo ya Shukulu Kalunga vatekulwila va Shalume, na Atele, na Talemone, na Akumbe, na Hatita, na Shombai vapwile 138.

⁴⁶ Vikota vya vaka-kupanga ku Njuvo ya Shukulu Kalunga, vaje velukile kutunda ku vunzinda vapwile, Ziha, na Hasufa, na Tambaote,

⁴⁷ na Kelose, na Siya, na Pandone,

⁴⁸ na Lembana, na Hangamba, na Shalemai,

⁴⁹ na Hanane, na Ngindele, na Ngahale,

⁵⁰ na Leaya, na Lezine, na Nekonda,

⁵¹ na Ngazame, na Uza, na Paseya,

⁵² na Mbesai, na Meunime, na Nefushime,

⁵³ na Mbakembuke, na Hakufa, na Halehule,

⁵⁴ na Mbazulute, na Mehinda, na Halesha,

⁵⁵ na Mbalekose, na Sisela, na Tema,

⁵⁶ na Neziya, na Hatifa.

⁵⁷ Vikota vya vangamba va Solomoni vaje velukile kutunda ku vunzinda vapwile, Sotai, na Sofelete, na Pelunda,

⁵⁸ na Njaala, na Ndalekone, na Ngindele,

⁵⁹ na Shefatiya, na Hatile, na Pokelete Hazevaime, Amoni.

⁶⁰ Vungi vwa vatekulwila va vaka-kupanga ku Njuvo ya Shukulu Kalunga na vangamba va Solomoni vaje velukile kutunda ku vunzinda vapwile 392.

⁶¹ Ava vakevo vaje vatundile ku vikota vya Telemela, na Telehalesha, na Kelumbe, na Andone, na Imeli, oloni vonwele kulumbununa ngeci na vakevo lalo vapwile vatekulwila va vaIsalele.

⁶² Vikota vya Ndelaya, na Toviya, na Nekonda vapwile 642.

⁶³ Co ku vana va vaka-kukombelela, kwakele vana va Hombaya, na Hakoze, na Mbazilai. (Kukulwila wa cikota ca vaka-kukombelela ca Mbazilai wambatele munakazi wa ku cikota ca Mbazilai uje wa ku Ngilyande, co wambatele lizina lya cikota ca ishemweno.)

⁶⁴ Vatondele mazina avo mu livulu muje muvasonekele mazina a vanu kwesekesa ku vikota vyavo, oloni kuvawanene mazina a vakukulwila vavo, mukemwo vavavyanene kupwa vaka-kukombelela.

⁶⁵ Co nguvulu wa vaYunda wavalekele ngeci kuvasa kulya vyakulya vije vivanakombelela kuli Njambi, kuvanga kukale muka-kukombelela uje asa kupangesa Ulime na Tumime.

⁶⁶ Vungi vwa vinzinda vaje velukile vapwile 42,360.

⁶⁷ Co vangamba vavo va vanalume na ava va vanakazi vapwile 7,337. Vanalume na vanakazi vaka-kwimba vapwile 245.

⁶⁸ Tuvalu vapwile 736. Vimula vapwile 245.

⁶⁹ Tumelo vapwile 435. Vimulu vapwile 6,720.

⁷⁰ Co vanu vavangi vaanene vwana vwakukwasa kufweta vaka-kuvwaesa Njuvo ya Shukulu Kalunga. Nguvulu waanene ngolinde ya makilo akupwa 8, na malonga akupwa 50, na vuzalo vwa vaka-kukombelela vwakupwa 530.

⁷¹ Vakulunu va vikota vaanene makilo akupwa 168 a ngolinde, na makilo akupwa 1,250 a siliva.

⁷² Co vanu vakwavo lalo vaanene makilo akupwa 168 a ngolinde, na makilo akupwa 140 a siliva, na vuzalo vwa vaka-kukombelela vwakupwa 67.

⁷³ Vaka-kukombelela, na vaLevi, na vaka-kunyunga ku Njuvo ya Shukulu Kalunga, na vaka-kwimba, na vungi vwa vanu ngoco, na vaka-kupanga ku Njuvo ya Shukulu Kalunga, na vanu va Isalele, voshe ava vatungile mu vindandanga na mu vinganda vya mu Yunda.