Nehemiya 10 - Livulu lya Shukulu Kalunga

¹ Wakulivanga kwakao cisateso wapwile nguvulu Nehemiya muna Hakaliya, asinoni Zendekiya. Vaka-kukombelela vapwile,

² Selaya, na Azaliya, na Njelemiya,

³ na Pashehule, na Amaliya, na Malekiya,

⁴ na Hatushe, na Shembaniya, na Maluke,

⁵ na Halime, na Melemote, na Ovandiya,

⁶ na Ndanyele, na Nginetone, na Mbaluke,

⁷ na Meshulame, na Aviya, na Mijamine,

⁸ na Maziya, na Mbilengai, na Shemaya.

⁹ VaLevi vapwile, Njeshuwa muna Azaniya, na Mbinui wa ku cikota ca Henandande, na Kandimyele,

¹⁰ na Shembaniya, na Hondiya, na Kelita, na Pelaya, na Hanane,

¹¹ na Mika, na Lehombe, na Hashaviya,

¹² na Zakule, na Sheleviya, na Shembaniya,

¹³ na Hondiya, na Mbani, na Mbeninu.

¹⁴ Vantwama va vanu vapwile, Paloshe, na Pahate Mowavi, na Elame, na Zatu, na Mbani,

¹⁵ na Mbuni, na Azengande, na Mbevai,

¹⁶ na Andoniya, na Mbingevai, na Andine,

¹⁷ na Atele, na Hezekiya, na Azule,

¹⁸ na Hondiya, na Hashume, na Mbezai,

¹⁹ na Halife, na Anatote, na Nevai,

²⁰ na Mangepiyashe, na Meshulame, na Hezile,

²¹ na Meshezavele, na Zandoke, na Njandwa,

²² na Pelatiya, na Hanane, na Anaya,

²³ na Hoseya, na Hananiya, na Hashumbe,

²⁴ na Haloheshe, na Pileha, na Shombeke,

²⁵ na Lehume, na Hashambena, na Maseya,

²⁶ na Ahiya, na Hanane, na Anane,

²⁷ na Maluke, na Halime, na Mbana.

Lizivasano

²⁸ Yetu vanu va Isalele, na vaka-kukombelela, na vaLevi, na vaka-kunyunga Njuvo ya Shukulu Kalunga, na vaka-kwimba mu Njuvo ya Shukulu Kalunga, na vaka-kupanga mu Njuvo ya Shukulu Kalunga, na voshe veka vaje vanononoka Mashiko a Njambi nakulyangunuka na vaka-kwija vaje vali mu lifuti lyetu, amo na vanakazi vetu, na vana vetu voshe vaje vanakolo mukuzivisisa vyuma,

²⁹ tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

³⁰ Tukulaesa ngeci kutukalyambatela na vaka-kwija ava vali mu lifuti lyetu.

³¹ Nga vaka-kwija vanena tiliku nambe vyuma vyeka vyakulanda a Litangwa Lyakuhwima, nambe a litangwa lyakujela, kutukavilanda embwe. A mwaka wamucitanu na ivali kutukalimi mahya etu, co tukazimangana makongo oshe.

³² A mwaka na mwaka munu na munu akana mangilamu atanu a siliva akukwasa kufweta ku Njuvo ya Shukulu Kalunga.

³³ Co evi vikevyo vitukaana ku Njuvo ya Shukulu Kalunga yakulemesela, makende akujela, na n̄ombelo ya vimbuto vya vinona ya a litangwa na litangwa, na vimuna vakukombelela a litangwa na litangwa, na vin̄ombelo vyakujela vya a Litangwa Lyakuhwima, na a Ciwano ca Kutenama kwa Ngonde, na viwano vikwavo, na vin̄ombelo vikwavo vyakujela, na vin̄ombelo vya a vuvi vwa vaIsalele, na vyoshe vije vishakiwa ku Njuvo ya Shukulu Kalunga.

³⁴ Yetu, na vanu, na vaka-kukombelela, na vaLevi, tukata n̄ela a mwaka na mwaka mukuwana cikota ca vanu vaje vanapande kunena vitale vyakwenyekela vin̄ombelo vyakukombelela kuli Shukulu Kalunga Njambi yetu, ngwe kukushika kwa Mashiko.

³⁵ A mwaka na mwaka tukatwala ku Njuvo ya Shukulu Kalunga mulambu wakulivanga wa vimbuto vitunateje, na vushuka vwakulivanga vuje vutwavuyu ku miti yetu.

³⁶ Mwana wa munalume wa ntwatwa uje nasemuka kuli yetu, tukamutwala kuli vaka-kukombelela ku Njuvo ya Shukulu Kalunga, nakumukundika kuli Njambi ngwe ku Mashiko. Co lalo tukakundika muna ngombe wakulivanga kusemuka ku vingombe vetu va lwavo, na muna manga wakulivanga, nambe muna membe wakulivanga kusemuka ku vimanga vetu, nambe ku vimembe vetu.

³⁷ Co tukatwala kuli vaka-kukombelela mu Njuvo ya Shukulu Kalunga, mukasha wakutika wa vimbuto vyakulivanga, vije vitunateje a mwaka na mwaka, na milambu yetu ikwavo ya vinyu, na mazi a olive, na miyati yoshe ya vushuka. Tukatwala kuli vaLevi, ava valinakutambula camulikumi ku vyakulima vyetu mu membo, na cavulikumi ca ku vimbuto vije vilinakumena mu lifuti lyetu.

³⁸ Vaka-kukombelela vaje vakutunda kuli Alone vanapande kukala amo na vaLevi omo vakungulula cavulikumi, co a vyakupangesa mu Njuvo ya Shukulu Kalunga, vaLevi vanapande kutwala ku Njuvo ya Shukulu Kalunga ku milili yakutulikila cavulikumi cimo ku vyavulikumi vyoshe vivanatambula.

³⁹ Vanu va Isalele, na vaLevi, vanapande kutwala milambu ya vimbuto, na vinyu, na mazi a olive ku milili yakutulikila vivala vya mu Njuvo ya Shukulu Kalunga, kuje kuvakakala vaka-kukombelela vaje vali a vipangi, na vaka-kunyunga ku Njuvo ya Shukulu Kalunga, na mbunga ya vaka-kwimba ku Njuvo ya Shukulu Kalunga. Kutukayengula Njuvo ya Shukulu Kalunga Njambi yetu embwe.