Myaso 98 - Livulu lya Shukulu Kalunga

Njambi ikeye Muka-kushwana kaye

Mwaso

¹ Imbileni Shukulu Kalunga mwaso wauha, nalingi vyuma vyakukomokesa! Mu nzili yendi nahyana vyoshe.

² Shukulu Kalunga nambulula kuhyana kwendi, nasholola nzili yendi yakwamena.

³ Co lalo nasholola vushunga vwendi ku miyati, nanuka cizemo cendi cije kucesi kutenguluka, na kulongwa kwendi ku vanu va Isalele, kwamena kwa Njambi yetu vanacimono ano asi oshe.

⁴ Imbileni Shukulu Kalunga nakujolela yeni voshe vaka-asi, mushangazaleni na myaso na mitambi yakujolela!

⁵ Imbeni nakushangazala Shukulu Kalunga! Mwimbileni myaso a tulyalya!

⁶ Imbeni malupembo na vimbinga, co tambekeni nakujolela kuli Shukulu Kalunga, mwene yetu.

⁷ Mema a kalunga akume na vyoshe vije vilimo, kaye kaimbe ngwe vanu na vyoshe vije vyakalao!

⁸ Vinzinga vikandelele na mavoko avyo ngwe vanu, neni lalo malundu imbeni ngwe vanu amolika nakuvwaelela kuli Shukulu Kalunga,

⁹ omwo akaija nakusompa vanu voshe vali ano asi. Shukulu Kalunga akashwana vanu voshe vali ano asi mu vushunga.