Myaso 95 - Livulu lya Shukulu Kalunga

Mwaso wakushangazala

¹ Ijeni tushangazale Shukulu Kalunga! Twimbeni nakujolela kuli Njambi uje muka-kutunyunga!

² Tuyeni kuli ikeye nakukandelela, nakwimba myaso yakujolela nakumushangazala!

³ Omwo Shukulu Kalunga ikeye Njambi muka-nzili, ikeye mwene wa nzili kuhyana vinjambi voshe.

⁴ Ikeye washwana ano asi oshe, kutunda ku manzenzengoma akulova nakweta ku malundu amalaja.

⁵ Mema a kalunga apwa endi, omwo ikeye waatangele, watangele lalo nunda.

⁶ Ijeni tutsikame nakumulemesa, tutsikameni ku mesho a Shukulu Kalunga uje watutangele!

⁷ Ikeye napu Njambi yetu, netu tunapu vanu vendi vaje vakanyungu, tunapu vutanga vwendi vuje vwakalisa. Tolilileni ku lijwi lya Njambi lelo,

⁸ “Kesi mukaluwise vimbunge vyeni, ngwe muje muvalingile vakukulwila veni ku Meliva, ngwe muje muvalingile a litangwa lije ku Masa mu mambo.

⁹ Kuje vakukulwila veni vanjesekele nakunjiilula, nameme vakevo vamwene vije vinjalingile.

¹⁰ Njaluvalele na cisemwa cije a myaka makumi awana, co njendekele ngwange, ‘Vakevo vanapu vakujeneka kulongwa, valinakuvyana mashiko ange!’

¹¹ Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci mukahwiminemo.’ ”