Myaso 87 - Livulu lya Shukulu Kalunga

Kushangazala Yelusalema

Mwaso wa cikota ca Kola

¹ Shukulu Kalunga watungile nganda yendi a lilundu lyakujela.

² Shukulu Kalunga wazema nganda ya Yelusalema, kutuvakana mitambela yoshe ya mu Isalele.

³ Yelusalema nganda ya Njambi, vyuma vyakukomokesa vanakutumbwilavyo.

⁴ “Njikawezelelako Ingito na Mbambilone, omo njisoneka mikana ya miyati ya vaje vanjononoka ku vandambo va Yelusalema, njikawezelelako vanu va ku Filisitiya, na Tile na Sundane.”

⁵ Mwa vushunga vakendeka ali Siyone ngwavo, miyati yoshe vatunda muje, co Shukulu Kalunga Muka-nzili yoshe akaikolesa.

⁶ Shukulu Kalunga akasoneka mukana wa vanu vendi, nakuvapandakana voshe kupwa vandambo va mu Yelusalema.

⁷ Voshe vaje vaimba nambe kukina, vakendeka ngwavo, “Mu Siyone mukemwo mwatunda vivezikiso vyetu vyoshe.”