Myaso 8 - Livulu lya Shukulu Kalunga

Vumpau vwa Njambi na kasingimiko ka munu

Mwaso wa Ndaviti

¹ Yove Shukulu Kalunga Shukulu yetu, vukama vwove vunasholoka mu kaye mwoshe! Vumpau vwove vunete mwilu ya melu,

² vimbututu na vanike valinakuvwimba. Unovoka ku vitozi vove voshe, uvindika woshe uje akuyeluwisa.

³ Omo njikenga lilu lije liwatangele, ngonde na vingongonosi, vije viwunaka mu mitambela yavyo,

⁴ mwa vushunga munu kesi na seo ngeci yove umunyunge.

⁵ Oloni unamwana kasingimiko ngwe tungelo.

⁶ Unamupwisa kushwana vyuma vyoshe viwatangele, nakwaka vyuma vyoshe mu mavoko endi,

⁷ vimanga na vingombe na tusitu lalo,

⁸ na tuzila na visi na vyuma vyoshe vyakuyoya vya mu mema a kalunga.

⁹ Yove Shukulu Kalunga Shukulu yetu, vukama vwove vunasholoka mu kaye mwoshe!