Myaso 67 - Livulu lya Shukulu Kalunga

Mwaso wa cikandelela

Mwaso

¹ Tuzivileko mema ku mbunge nakutuvezikisa yove Njambi, co tumwese ngozi yove,

² ngeci vanu voshe va asi vazivuke cizango cove, co lalo miyati yoshe vazivuke kwamena kwove.

³ Vanu voshe vakushangazale yove Njambi, vanu voshe vakushangazale!

⁴ Vanu vajolele, co vaimbe nakuvwaelela, omwo yove ukasompo vanu mu vushunga, nakutwamenena miyati yoshe ya asi.

⁵ Vanu voshe vakushangazale yove Njambi, vanu voshe vakushangazale!

⁶ Vimbuto vinamene mu livu, Njambi, uje wapwa Njambi yetu natuvezikisa.

⁷ Njambi natuvezikisa, vanu voshe kwoshe-ikwoshe vamusingimike.