Myaso 54 - Livulu lya Shukulu Kalunga

Lilombelo lyakunyunga ku vitozi

Mwaso wa Ndaviti, omo vaka-Zife vaile kuli Saulu nakumuleka ngwavo Ndaviti navanda mu mutambela wavo (1 Sam 23:19, 26:1)

¹ Njamene a lizina lyove yove Njambi! Njisompe na nzili yove.

² Ziva lilombelo lyange yove Njambi, tolilila ku majwi anjilinakwendeka.

³ Vanu vaka-kulyalesa valinakwija nakunjilwisa, vaka-muuka vashaka kunjitsiya, vanu vaje kuvashakele Njambi.

⁴ Oloni Njambi ikeye mukwasi wange, Shukulu Kalunga ikeye cimpaka cange!

⁵ Njambi akelwisa vivi ku vitozi vange, co akavanyongesa omwo wapwa wa kulongwa.

⁶ Yove Shukulu Kalunga, njikakukombelela n̄ombelo ya cizango, njikakandelela manene lizina lyove, omwo yove wapwa uwamuvwa.

⁷ Unanjamena ku tuyando twange twoshe, co lisho lyange linamono muvanavafungulula vitozi vange.