Myaso 53 - Livulu lya Shukulu Kalunga

Vuvi vwa vanu

Mwaso wa Ndaviti

¹ Vilema vendeka ngwavo, “Njambi waiko.” Voshe vanapu vakujeneka seo, vanalingi vyuma vyavivi vyakukomokesa, naumo wai nalingi mwamuvwa.

² Njambi ali mwilu akenga ali vanu ano asi, ngeci amone nga kuli umo uje ali na mana, nambe nga kuli umo amulemesa.

³ Oloni voshe vanatengulukila kweka, voshe vanapu vavavi, naumo wai nalingi mwamuvwa akati kavo, nameme umo wai.

⁴ Njambi wehwile ngwendi, “Kuma kuvazivuka ndi? Kuma voshe vaka-kulinga vuvi vali ku nzimba ndi? Valinakuyoyela akwivila vanu vange, co kuvesi kulombela kuli yange.”

⁵ Oloni vakaziva lyova lyakama, lyova lije kulyakeleko lalo, omwo Njambi akashandola vitsiya vya vitozi va vanu vendi. Mukavazivisa shwamwa omwo Njambi navavyana.

Vije vyashaka Njambi

⁶ Nga kwamena kwa Isalele kwatundile ku Siyone! Omo Njambi akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.