Myaso 47 - Livulu lya Shukulu Kalunga

Muka-kushwana wakama

Mwaso wa cikota ca Kola

¹ Kandeni mavoko eni yeni vanu voshe! Shangazaleni Njambi na tun̄alavela!

² Omwo Shukulu Kalunga wa Akamwa ya Akamwa wapwa wakukomokesa, ikeye mwene wakama uje ashwana ano asi oshe.

³ Ikeye watwasesele kufungulula vitozi vetu, ikeye watwasesele kushwana miyati yoshe.

⁴ Ikeye watwangwilile lifuti muje mutuli nakukala, vushwana vwakulyalesela vanu vendi vaje vazema.

⁵ Njambi aya ku litanda lyendi lya vumwene! Kuli mitambi yakujolela nakwimba malupembo, omo Shukulu Kalunga alamata kwilu!

⁶ Imbeni myaso yakushangazala Njambi. Imbeni myaso yakushangazala mwene yetu! Imbeni myaso yakushangazala.

⁷ Njambi ikeye mwene wa ano asi oshe, mulemeseni na myaso!

⁸ Njambi natumbama a litanda lyendi lyakujela, ikeye alinakushwana miyati yoshe.

⁹ Vaka-kushwana miyati ya vanu vanakunguluka amo na vanu va Njambi ya Avilahama, omwo vintelo vyoshe vya asi vyakundama kuli Njambi, ikeye wakama manene.