Myaso 46 - Livulu lya Shukulu Kalunga

Njambi ali netu

Mwaso wa cikota ca Kola

¹ Njambi ikeye vutewelo vwetu na nzili yetu, wakala muyehi-yehi netu nakutukwasa a simbu ya tuyando.

² Ngecivene, kutwasa kuziva lyova, nameme nga kaye kajaja, na minkinda iwila mu vinzinga vya mema a kalunga,

³ nameme mema a kalunga akuma ngwe mwakohyo kasitu, nakulinga kalwa manene, co malundu aninganga manene na vukalu vwao.

⁴ Kuyili ndonga ije ivwaelelesa nganda ya Njambi, ije ivwaelelesa mwela wakujela kuje kwakala wa Akamwa ya Akamwa.

⁵ Njambi ikeye wakala muje mu nganda, co naumo wai akainyongesa, oloni akaikwasa a mungulungengu.

⁶ Miyati ya vanu vakavazivisa lyova, na vumwene vukawa, omo Njambi akaluma, co asi akanyongolokota.

⁷ Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

⁸ Ijeni mumone vipangi vyanapanga Shukulu Kalunga! Kengeni vyuma vyakukomokesa vije vyanalingi asi.

⁹ Ikeye amanesa vinzita ano asi oshe, akapokozola mata a lusipa na makunga, enyeka vintelo na tuhya!

¹⁰ Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

¹¹ Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!