Myaso 45 - Livulu lya Shukulu Kalunga

Mwaso wa vulo vwa vumwene

Mwaso wa cikota ca Kola

¹ Mbunge yange inashulu na majwi amavwa, omo njilinakumanga mwaso ou kuli mwene, ndaka yange inafu ngwe munu uje azivuka kusoneka mwamuvwa.

² Yove uwamuvwa manene kutuvakana vanalume voshe, u muka-kwendeka na ngozi, visimbu vyoshe Njambi alinakukuvezikisa!

³ Maneka moko yove ya mukwale mu mbunda, yove cingenyenye, yove wapwa wa vumpau na vukama!

⁴ Mu vukama vwove enda nakuvezika, omwo ya vushunga na kulikeesa na kulongwa! Co livoko lyove lya cilyo likakulongesa vyuma vyakama vyakukomokesa!

⁵ Mikili yove yapwa yakuvambuka, ikeyo itiva vimbunge vya vitozi vove, miyati ya vanu valundumuke ku mendi ove.

⁶ Litanda lyove lya vumwene yove Njambi, likakalako ku myaka yoshe! Mulamu wa vumwene vwove ukewo mulamu wa vushunga.

⁷ Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

⁸ Vuzalo vwove vunika lwengo lwa miila nolu lwa malimangango, vaka-kwimba valinakukuvwaelelesa mu lipela lyakutaleka na mayo a vinjamba.

⁹ Akati ka vanakazi va kasingimiko vali mu lipela lyove vanapu vana va vamwene, co ku litanda lya cilyo kunemana vamwene, nazala vyakuzala vya senga vya ngolinde yaivwa manene.

¹⁰ Yove shombolwa ya mwene, tolilila vije njikuleka, kesi utolilile kunangula kwa vanu vove na vavushoko vwove.

¹¹ Vuvwa vwove vukavwaelelesa mwene ngeci akuzeme, ikeye napu shukulu yove, ngecivene, unapande kumwononoka.

¹² Vanu va ku lifuti lya Tile vakakunenela vwana, co vanu vaka-kufuka vakakushangazala.

¹³ Vamwene vakovela mu lipela. Vuzalo vwavo vwakushoveya na ngolinde.

¹⁴ Vakavatwala kuli mwene oku vanazala cikoveyo cakushoveya cacilaja mavoko, co tushambeyeyo twavo va vanakazi vakavasindikiya, na vakevo lalo vakavanena kuli yove.

¹⁵ Vakaija nakujolela nakuvwaelela, omo vakukovela mu lipela lya mwene.

¹⁶ Yove mwene yange, ukakala na vana va vanalume vavangi vakainga vakukulwila vove kupwa vimyene, co ukavapwisa vaka-kushwana ano asi oshe.

¹⁷ Njikatsimanesa lizina lyove ku cisemwa coshe, ngecivene, vanu voshe vakakulemesa ku myaka yoshe.