Myaso 36 - Livulu lya Shukulu Kalunga

Vuvi vwa munu

Mwaso wa Ndaviti ngamba ya Shukulu Kalunga

¹ Vuvi vukalingisa vaka-vuvi ngeci vakavangeye viyongola vyavivi vili mu vimbunge vyavo, vakavyana Njambi, co kuvesi kumukomoka.

² Omwo valyalesa nakuyongola ngwavo Njambi kasa kumona vuvi vwavo nakuvahisilavwo.

³ Majwi avendeka anashulu na muuka na makuli, vanaseza vilinga vya mana na vilinga vyavivwa.

⁴ Vakatumbu matumbe amavi oku vanalala a vulili vwavo, nacimo cacivwa civakalingi cai, co kuvesi kuvyana cuma cacivi.

Vuvwa vwa Njambi

⁵ Shukulu Kalunga, cizemo cove cije kucesi kutenguluka cinete na mu melu, kulongwa kwove kunete ku mashelwa.

⁶ Vushunga vwove vunapu ngwe minkinda yakama, kusompa kwove kwalova manene ngwe mema a kalunga. Yove Shukulu Kalunga wanyunga vanu na tusitu.

⁷ Mucavwaa cizemo cove Njambi, cizemo cije kucesi kutenguluka! Vanu valinakuvanda mu munzinze wa mambava ove.

⁸ Vakevo vakuta manene na vyakulya vyavingi vyakutunda kuli yove, yove ukavana vyuma vyavivwa vije viketi ngwe mema a mu ndonga.

⁹ Yove ukaana mwonyo ku vyuma vyoshe. Omo a ceke cove twasa kumona ceke.

¹⁰ Zema vaje vakuzivuka, co linga vuvwa kuli vaje vaka-vushunga,

¹¹ kesi utave vaka-kulyalesa vanjilwise, nambe vaka-vuvi vanjisheke.

¹² Kenga, vaka-vuvi vanau! Vanawila asi, co kuvasa kwinduka.