Myaso 29 - Livulu lya Shukulu Kalunga

Lijwi lya Shukulu Kalunga mu lihunzi

Mwaso wa Ndaviti

¹ Shangazaleni Shukulu Kalunga, yeni tungelo, shangazaleni vumpau vwendi na nzili yendi.

² Shangazaleni lizina lya vumpau lya Shukulu Kalunga, shangazaleni Shukulu Kalunga na vuzalo vwakumulemesa navwo.

³ Lijwi lya Shukulu Kalunga vakalizivi akamwa ya mema a kalunga, Njambi wa vumpau aluma, na lijwi lyendi lili akamwa ya mema a kalunga.

⁴ Lijwi lya Shukulu Kalunga lili na nzili, lijwi lya Shukulu Kalunga lyashula na vumpau!

⁵ Lijwi lya Shukulu Kalunga lipokozola miti ya kendale, nameme miti ya kendale ya ku Lembanone.

⁶ Njambi akajajesa minkinda ya Lembanone ngwe mwakatumbozoka muna ngombe, co akajajesa Helemone ngwe mwakatumbozoka muna mpakasha.

⁷ Lijwi lya Shukulu Kalunga litwa ceke ngwe milangi ya tuhya.

⁸ Lijwi lyendi lijajesa mambo, ikeye ajajesa mambo ya Kandeshe.

⁹ Lijwi lya Shukulu Kalunga lisemukisa vishonge, litotomwesa maputa a miti nakuseza vikalavanzi lika, co munu woshe ali mu Njuvo ya Shukulu Kalunga ashangazala ngwendi, “Vumpau kuli Njambi.”

¹⁰ Shukulu Kalunga ashwana akamwa ya mema akulova, ikeye ashwana ngwe mwene ku myaka yoshe.

¹¹ Shukulu Kalunga akana nzili kuli vanu vendi, nakuvavezikisa kwoloka.