Myaso 15 - Livulu lya Shukulu Kalunga

Vije vyashaka Njambi

Mwaso wa Ndaviti

¹ Iyajo akakala mu Njuvo yove Shukulu Kalunga? Iyajo akalemesela a Siyone lilundu lyove lyakujela?

² Uje ononoka Njambi simbu yoshe nakulinga vyakushungama, co endeka vushunga mu mbunge yendi,

³ uje kesi kwendeka makuli. Kesi kulinga mwamuvi kuli musamba wendi, nambe kesi kupopolola mukwavo.

⁴ Uje ayengula vaje vavyana Njambi, oloni asingimika vaje vakomoka Shukulu Kalunga. Ikeye simbu yoshe akalingi vije vyanakulaesa, nameme vyuma vifwe vati indi vati kuli ikeye.

⁵ Ikeye akakumwisa vimbongo vyendi kujeneka kwakao kakondweso, co ikeye kesi kutambula lizika-kanwa ngeci ahise uje kesi na mulonga. Ou woshe alinga vyuma evi, kakapelyangela embwe.