Myaso 149 - Livulu lya Shukulu Kalunga

Mwaso wakushangazala

¹ Shangazaleni Shukulu Kalunga! Imbeni mwaso wauha kuli Shukulu Kalunga, mushangazaleni mu cikungulukilo ca vanu vendi va kulongwa!

² Vwaelela Isalele omwo Ishamatanga wove, joleleni, yeni vanu va ku Siyone, omwo ali mwene yeni!

³ Shangazaleni lizina lyendi nakukina, mwimbileni myaso yakumushangazala, na vingoma na tulyalya.

⁴ Shukulu Kalunga avwaelela ali vanu vendi, asingimika vaka-kulikeesa nakuvahyanesa.

⁵ Vanu va Njambi vavwaelele nakulisamba, vaimbe nakujolela vutsiki vwoshe.

⁶ Valisambe nakutambeka manene omo vashangazala Njambi, amo na mikwale yavo yakuvambuka mu mavoko avo,

⁷ mukufungulula nakuhisa miyati ya vanu,

⁸ kukuta vimyene vavo na malyenge, na vantwama vavo lalo na malyenge,

⁹ kuhisa miyati ya vanu ngwe kukushika kwa Njambi. Oku kukekwo kuhyana kwa vanu va Njambi! Shangazaleni Shukulu Kalunga!