Myaso 142 - Livulu lya Shukulu Kalunga

Lilombelo lyakukwasa

Mwaso wa Ndaviti omo wakele mu linzenzengoma (1 Sam 22:1, 24:3)

¹ Njitambeka kuli Shukulu Kalunga ngeci anjikwase, njilambelela Shukulu Kalunga ngeci anjizivileko mema ku mbunge.

² Njinena kulinyenga kwange kwoshe kuli ikeye, nakumuleka lalo tuyando twange twoshe.

³ Omo cinyangavili cange cihwa, yove unazivuka laja ngila yange. Vananjitela myeto mu ngila, muje munjilinakwenda.

⁴ Njikenga ku livoko lyange lya cilyo nakumona, oloni naumo wai asa kunjikwasa, naumo wai asa kunjinyunga, naumo wai asa kunyunga mwonyo wange.

⁵ Njitambeka kuli yove Shukulu Kalunga. Njambi ikeye vutewelo vwetu na nzili yetu, wakala muyehi-yehi netu.

⁶ Tolilila ku lilombelo lyange ngeci unjikwase omwo yange njinazeye. Njamene ku vitozi vange, omwo vali na nzili ali yange.

⁷ Njipatule mu kamenga, ngeci njishangazale lizina lyove, asinoni njikakushangazala, mu cikungulukilo ca vanu vove, omwo vuvwa vwove kuli yange.