Myaso 14 - Livulu lya Shukulu Kalunga

Vuvi vwa vanu

Mwaso wa Ndaviti

¹ Vilema vendeka ngwavo, “Njambi waiko!” Voshe vanapu vakujeneka seo, vanalingi vyuma vyavivi vyakukomokesa, naumo wai nalingi mwamuvwa.

² Shukulu Kalunga ali mwilu akenga ali vanu va ano asi ngeci amone nga kuli umo uje ali na mana, nambe nga kuli umo amulemesa.

³ Oloni voshe vanalingi vuvi, voshe vanapu vavavi, naumo wai nalingi mwamuvwa akati kavo, nameme umo wai.

⁴ Shukulu Kalunga wehwile ngwendi, “Kuma kuvazivuka ndi? Kuma voshe vaka-kulinga vuvi vali ku nzimba ndi? Valinakuyoyela akwivila vanu vange, co kuvesi kulombela kuli yange.”

⁵ Oloni vakaziva lyova lyakama, omwo Njambi ali amo na vaje vaka-vushunga.

⁶ Vaka-kulinga vuvi vatanganesa matumbe a tuutu, oloni Shukulu Kalunga napu vutewelo vwavo.

⁷ Kwamena kwa Isalele kwije kutunda ku Siyone! Omo Shukulu Kalunga akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.