Myaso 138 - Livulu lya Shukulu Kalunga

Lilombelo lya cikandelela

Mwaso wa Ndaviti

¹ Njikushangazala Shukulu Kalunga na mbunge yange yoshe, njikaimba mwaso wakukushangazala ku mesho a vinjambi.

² Njikalemesa ku Njuvo yove yakujela, nakushangazala lizina lyove, omwo cizemo cove cije kucesi kutenguluka na kulongwa kwove, omwo unaalesa mashiko ove, kutuvakana lizina lyove.

³ Omo njalombelele kuli yove, co wanjikumbulwile, wanjitakamesele lalo na nzili yove.

⁴ Vimyene voshe va mu kaye vakakushangazala yove Shukulu Kalunga, omwo vanazivi vikulaeso vyove.

⁵ Vakevo vakaimba lalo a vije viwunalingi, na a vukama vwa vumpau vwove.

⁶ Nameme yove Shukulu Kalunga, wakala akamwa yetu, oloni ulinakulela vaka-kulikeesa, co vaka-kulyalesa kuvasa kuvanda ku mesho ove.

⁷ Omo tuyando tunjizengeleka, yove unjinyunga mwamuvwa, co lalo uyeluwisa vukalu vwa vitozi vange, nakunjamena na nzili yove.

⁸ Shukulu Kalunga ukashulisa vije vyoshe wanjikulaesele, Shukulu Kalunga, cizemo cove cije kucesi kutenguluka, cakala ku myaka yoshe. Kesi uvyane vipangi vya mavoko ove.