Myaso 137 - Livulu lya Shukulu Kalunga

Kulila kwa Isalele mu vunzinda ku Mbambilone

¹ Twatumbamene asi ku vindonga vya Mbambilone, co twalilile omo twanukile Siyone.

² Twashukikile tulyalya twetu, ku miti ya ku ngenge ya ndonga.

³ Vaje vatufungulwile vatulombele ngwavo tuvembile myaso, vashakele ngwavo tuvembile myaso yakujolela ya ku Siyone.

⁴ Vatijo twasa kwimba myaso ya Shukulu Kalunga, mu lifuti lya vungenzi?

⁵ Nga njikwivala yove Yelusalema, livoko lyange litenguke ngeci kesi njiimbe kalyalya lalo!

⁶ Nga kunjikwanuka yove Yelusalema, nga kunjanuka yove kupwa kujolela kwange kwakama, kanwa kange kongomoke ngeci kesi njiimbe mwaso lalo!

⁷ Shukulu Kalunga anuka vije vivalingile va Endome, a litangwa lije vafungulwile Yelusalema. Anuka muje muvendekele ngwavo, “Isiwuleni, amolika na luvula lwayo!”

⁸ Mbambilone vakakunyongesa! Navezika munu uje akakwilwisila vije viwalingile kuli yetu,

⁹ munu uje akambata vana vove, nakuvamwashwila a limanya!