Myaso 136 - Livulu lya Shukulu Kalunga

Mwaso wa cikandelela

¹ Kandeleleni kuli Shukulu Kalunga, omwo ikeye wapwa wamuvwa, omwo cizemo cendi cije kucesi kutenguluka cakala ku myaka yoshe.

² Kandeleleni kuli Njambi ya vinjambi, omwo cizemo cendi cije kucesi kutenguluka cakala ku myaka yoshe.

³ Kandeleleni kuli Shukulu ya vashukulu, omwo cizemo cendi cije kucesi kutenguluka cakala ku myaka yoshe.

⁴ Ikeye endi lika muka-kulinga vikomokeso vyakama, omwo cizemo cendi cije kucesi kutenguluka cakala ku myaka yoshe.

⁵ Na mana endi watangele melu, omwo cizemo cendi cije kucesi kutenguluka cakala ku myaka yoshe.

⁶ Uje wajalele kaye akamwa ya mema, omwo cizemo cendi cije kucesi kutenguluka cakala ku myaka yoshe.

⁷ Uje watangele litangwa na ngonde, omwo cizemo cendi cije kucesi kutenguluka cakala ku myaka yoshe,

⁸ litangwa kushika ku mutanya, omwo cizemo cendi cije kucesi kutenguluka cakala ku myaka yoshe.

⁹ Ngonde na vingongonosi kushika ku vutsiki, omwo cizemo cendi cije kucesi kutenguluka cakala ku myaka yoshe.

¹⁰ Kuli uje watsiile vana va vanalume va va ntwatwa va vaka-Ingito, omwo cizemo cendi cije kucesi kutenguluka cakala ku myaka yoshe.

¹¹ Ikeye watundisile vanu va Isalele mu lifuti lya Ingito, omwo cizemo cendi cije kucesi kutenguluka cakala ku myaka yoshe.

¹² Na livoko lyendi lya nzili, omwo cizemo cendi cije kucesi kutenguluka cakala ku myaka yoshe.

¹³ Ikeye waangunwine Lishali Lyakuvenga, omwo cizemo cendi cije kucesi kutenguluka cakala ku myaka yoshe.

¹⁴ Watwamenene vanu vendi mukati kao, omwo cizemo cendi cije kucesi kutenguluka cakala ku myaka yoshe,

¹⁵ oloni wakupwile mwene wa Ingito na mashwalale vendi, omwo cizemo cendi cije kucesi kutenguluka cakala ku myaka yoshe.

¹⁶ Ikeye watwamenenene vanu vendi mu mambo, omwo cizemo cendi cije kucesi kutenguluka cakala ku myaka yoshe.

¹⁷ Uje watsiile vimyene vakama, omwo cizemo cendi cije kucesi kutenguluka cakala ku myaka yoshe.

¹⁸ Co watsiile vimyene va lutsimo, omwo cizemo cendi cije kucesi kutenguluka cakala ku myaka yoshe.

¹⁹ Sihone mwene wa vaAmoli, omwo cizemo cendi cije kucesi kutenguluka cakala ku myaka yoshe.

²⁰ Na Onge mwene wa ku Mbashane, omwo cizemo cendi cije kucesi kutenguluka cakala ku myaka yoshe.

²¹ Ikeye waanene lifuti lyavo kuli vanu vendi, omwo cizemo cendi cije kucesi kutenguluka cakala ku myaka yoshe.

²² Walyanene kuli Isalele ngamba yendi, omwo cizemo cendi cije kucesi kutenguluka cakala ku myaka yoshe.

²³ Ikeye katwivalele omo vatufungulwile, omwo cizemo cendi cije kucesi kutenguluka cakala ku myaka yoshe.

²⁴ Ikeye watupatwile ku vitozi vetu, omwo cizemo cendi cije kucesi kutenguluka cakala ku myaka yoshe.

²⁵ Ikeye muka-kwana vyakulya ku vyoshe vije vyatangele, omwo cizemo cendi cije kucesi kutenguluka cakala ku myaka yoshe.

²⁶ Kandeleleni kuli Njambi wa mwilu, omwo cizemo cendi cije kucesi kutenguluka cakala ku myaka yoshe.