Myaso 130 - Livulu lya Shukulu Kalunga

Lilombelo lyakukwasa

Mwaso wakulamata nawo

¹ Mu tuyando twange njatambekele kuli yove Shukulu Kalunga.

² Shukulu Kalunga ziva kutambeka kwange, tolilila ku mutambi wange ngeci unjikwase!

³ Nga yove Shukulu Kalunga ukalava milonga yetu, co iyajo akovoka?

⁴ Oloni yove ukatusambesa ngeci tukukomoke.

⁵ Njilinakuvandamena kukwasa kwa Shukulu Kalunga, co njinakulaela mu lijwi lyendi.

⁶ Njilinakuvandamena Shukulu Kalunga, kutuvakana vaka-kunyunga omo vavandamena kutuuka kwa litangwa, eyo, njilinakuvandamena Shukulu Kalunga kutuvakana vaka-kunyunga omo vavandamena kutuuka kwa litangwa.

⁷ Kulaela kuli Shukulu Kalunga yove Isalele, omwo ya cizemo cendi cije kucesi kutenguluka, co lalo ali na nzili yakukwamena.

⁸ Shukulu Kalunga akamena vanu vendi va Isalele ku milonga yavo yoshe.