Myaso 13 - Livulu lya Shukulu Kalunga

Lilombelo lyakukwasa

Mwaso wa Ndaviti

¹ Shukulu Kalunga visimbu vingai ukanjivala? Ku myaka yoshe ndi? Visimbu vingai ukanjikengesa nima?

² Visimbu vingai njinapande kukala mu kayando? Visimbu vingai mbunge yange ikashula na vusiwa mutanya na vutsiki? Visimbu vingai vitozi vange vakanjifungulula?

³ Yove Shukulu Kalunga Njambi yange, kenga ali yange, njikumbulule. Njiilwisile nzili yange, kesi utave ngeci njitse.

⁴ Kesi utave vitozi vange vendeke ngwavo, “Tunamufungulula” Kesi utave ngeci vavwaelele omwo njili mu tuyando.

⁵ Oloni njinakulaela cizemo cove cije kucesi kutenguluka, mbunge yange ikajolela omwo unanjovola.

⁶ Njikakwimbila yove Shukulu Kalunga, omwo unanjilingi mwamuvwa.