Myaso 127 - Livulu lya Shukulu Kalunga

Kushangazala vuvwa vwa Njambi

Mwaso wa Solomoni wakulamata nawo

¹ Nga Shukulu Kalunga kakwasa mukutunga njuvo, vipangi vya muka-kutunga vinapu vyangoco, nga Shukulu Kalunga kakwasa mukunyunga nganda, vaka-kunyunga vemana nakunyunga ngoco.

² Cinapu cangoco kwinduka mutondo-tondo, nakukotoka cingwezi mukupangela vyakulya, omwo Shukulu Kalunga akana vyakulya kuli voshe vaje vaazema nameme omo vanacilala.

³ Vana vapwa vushwana vwakutunda kuli Shukulu Kalunga, vapwa lalo vwana vwakutunda kuli ikeye.

⁴ Vana vaje vakita munu omo acili mukwenje vanapu ngwe mikili mu livoko lya lishwalale.

⁵ Navezika munu uje ali na vana vavangi, omwo vana vendi vasa kumukwasa, omo vitozi vendi vamusompa.