Myaso 125 - Livulu lya Shukulu Kalunga

Vanu va Njambi vakala mwamuvwa

¹ Voshe vaje vakulaela kuli Shukulu Kalunga vanapu ngwe Munkinda wa Siyone, uje kuwasa kuninganga, oloni wakala ku myaka yoshe.

² Ngwe minkinda muyazengeleka Yelusalema, mukemwo lalo Shukulu Kalunga mwakazengeleka vanu vendi, kutunda ku lelo na ku myaka yoshe.

³ Vaka-vuvi kuvakashwana lifuti lya vaka-vushunga, nga vakalingamo, co vaka-vushunga vakalinga vuvi.

⁴ Shukulu Kalunga linga mwamuvwa kuli vaje vanapu vavavwa, linga lalo mwamuvwa kuli vaje vononoka mashiko ove.

⁵ Oloni omo uhisa vaka-vuvi, hisa lalo na vaje vayoya yoyesi ya kupenga-penga. Kwoloka kukale na Isalele!