Myaso 124 - Livulu lya Shukulu Kalunga

Njambi ikeye kanyungi ka vanu vendi

Mwaso wa Ndaviti

¹ Nga Shukulu Kalunga kakele ku mutambela wetu, Isalele vendeke ngwavo,

² “Nga Shukulu Kalunga kakele ku mutambela wetu, omo vitozi vetu vatulwisile,

³ nga vatutsiile tuvavoshe omwo ya vukalu vwavo vwakama ali yetu,

⁴ nga vatuungumwinine kulyala ngwe livazi, nga vatukupwile ngwe mema,

⁵ na mankimba akama nga atukupwile.”

⁶ Tushangazaleni Shukulu Kalunga, uje watwovwele ku vitozi vetu.

⁷ Tunaputumuka ngwe kazila natundu mu mweto wa ciyambi, mweto unashutuka, co tunaputumukamo!

⁸ Vukwasi vwetu vutunda kuli Shukulu Kalunga, uje watangele lilu na asi.