Myaso 123 - Livulu lya Shukulu Kalunga

Lilombelo lya mema ku mbunge

¹ Njilinakukenga mesho kuli yove Shukulu Kalunga, njilinakukenga kwilu kuli yove, ku litanda lyove lije lili mwilu.

² Ngwe vangamba valinakuyoyela kuli shukulu yavo wa munalume, ngwe lalo ngamba wa mumbanda alinakuyoyela kuli shukulu yendi wa munakazi, ngeci mesho etu akenga kuli yove, Shukulu Kalunga Njambi yetu, noo utuzivilako mema ku mbunge.

³ Tuzivileko mema ku mbunge Shukulu Kalunga, eyo, tuzivileko mema ku mbunge, omwo vanatushaula manene!

⁴ Vaka-kufuka vanatushendumuna manene, vaka-kulyalesa lalo vanatuyengula.