Myaso 122 - Livulu lya Shukulu Kalunga

Kushangazala Yelusalema

Mwaso wa Ndaviti

¹ Njavwaelelele manene omo vanjilekele ngwavo, “Tuyeni ku Njuvo ya Shukulu Kalunga!”

² Ololo tuli kuno, tunemana mu vikolo vya Yelusalema!

³ Yelusalema vaitunga ngwe nganda yakunungasana.

⁴ Oku kukekwo kuvakele nakuya miyati ya Shukulu Kalunga, vaile mukushangazala lizina lya Shukulu Kalunga, ngwe ku mashiko aje aanene Isalele.

⁵ Kuje kukekwo kwakala matanda akusompesela, matanda a ku njuvo ya Ndaviti.

⁶ Lombeleni ngeci mu Yelusalema mukale kwoloka, “Vaje vaka-kukuzema vakale mu kwoloka!

⁷ Kwoloka kukale mukati ka vivumbe vyove, na vuvwa lalo vukale mu mapela ove.”

⁸ Omo ali vavushoko vange na ali vasamba vange, njendeka kuli yove Yelusalema ngwange, “Kwoloka kukale amo nove!”

⁹ Omwo a Njuvo ya Shukulu Kalunga Njambi yetu, njilombela akuvezika kwove.