Myaso 12 - Livulu lya Shukulu Kalunga

Lilombelo lyakukwasa

Mwaso wa Ndaviti

¹ Yove Shukulu Kalunga, tukwase omwo kukwesi vanu va vushunga lalo vanasalao, co kutwasa kuwana lalo vanu va kulongwa.

² Vanu voshe valinakwendeka makuli kuli umo na mukwavo, nakulikwisa umo na mukwavo na vyuma vyakuseveleka.

³ Yove Shukulu Kalunga, olwesa majwi a vaka-kuseveleka, co shoka tunwa twa vaka-kulishasha! Vaje vendeka ngwavo,

⁴ “Na majwi etu tuwana vije vitushaka. Twendeka mwoshe mutushakela, co naumo wai atuvindika.”

⁵ Shukulu Kalunga alinakwendeka ngwendi, “Oloni ololo njilinakwija, omwo tuutu valinakuvayandesa, na vaka-kuyanda valinakulinyenga omwo tuyando. Njikavanyunga ku tuyando twavo.”

⁶ Vikulaeso vya Shukulu Kalunga vyapwa vya vushunga, vinapu vyavivwa ngwe siliva yakujelesa mu lutengo visimbu vitanu na vivali.

⁷ Simbu yoshe tunyunge yove Shukulu Kalunga, co tuvingilikiye ku vanu va cifwa cangacije.

⁸ Vaka-vuvi vali kwoshe-ikwoshe, co vanu voshe valinakushangala vyuma vije vyavivi.