Myaso 113 - Livulu lya Shukulu Kalunga

Kushangazala vuvwa vwa Shukulu Kalunga

¹ Shangazaleni Shukulu Kalunga! Shangazaleni lizina lyendi yeni vangamba va Shukulu Kalunga!

² Lizina lyendi valishangazale ololo na ku myaka yoshe!

³ Kutunda mu ngangela kutwala mu kangombe ka yambi, vashangazale lizina lya Shukulu Kalunga!

⁴ Shukulu Kalunga ali akamwa ya miyati yoshe, vumpau vwendi lalo vuli akamwa ya melu.

⁵ Kukwesi weka lalo wakulifwa na Shukulu Kalunga Njambi yetu, ikeye wayoya akamwa ya akamwa,

⁶ oloni ikeye amona vije vili mwilu nevi vili ano asi.

⁷ Njambi atundisa tuutu mu likungu, nakwindula vaka-kujeneka mu lito,

⁸ nakuvapwisa amo na vana va vimyene, vana va vimyene va vanu vendi.

⁹ Shukulu Kalunga avezikisa mumba mu njuvo yendi, amuvwaelelesa akumwana vana. Shangazaleni Shukulu Kalunga!