Myaso 110 - Livulu lya Shukulu Kalunga

Shukulu Kalunga na mwene yendi wakwangula

Mwaso wa Ndaviti

¹ Shukulu Kalunga wendekele kuli shukulu yange ngwendi, “Tumbama ku livoko lyange lya cilyo, noo njifungulula vitozi vove.”

² Shukulu Kalunga akatava nzili yove kutunda ku Siyone, co ukashwana akati ka vitozi vove.

³ A litangwa lije ukalwisa vitozi vove, mashwalale vove vakakala na cizango cakulwa. Ngwe mbundu ya mutondo-tondo, vakwenje vove vakaija kuli yove a malundu akujela.

⁴ Shukulu Kalunga wakulaesele, co kakatengulula viyongola vyendi lalo, “Yove ukapwa muka-kukombelela ku myaka yoshe, ngwe vuka-kukombelela vwa Melekizendeki.”

⁵ Shukulu Kalunga ali ku livoko lyove lya cilyo, akafungulula vimyene a litangwa lya vukalu vwendi nakuvatsena tsenu-tsenu.

⁶ Akasompa miyati, akatsena vimyene a kaye koshe, nakulundika vivimbi mitumbo-mitumbo.

⁷ Mwene akanwa mema a mu kandonga ka kumukulo wa ngila, akakala na nzili, co Shukulu Kalunga akamuhyanesa simbu yoshe.