Myaso 11 - Livulu lya Shukulu Kalunga

Kukulaela kuli Shukulu Kalunga

Mwaso wa Ndaviti

¹ Njakulaela kuli Shukulu Kalunga omwo muli ikeye muli kwovoka. Kesi mwendeke kuli yange ngweni, “Pulula ngwe kazila utewele ku munkinda,

² omwo vaka-vuvi vanavanda nakunana mata avo a lusipa na mikili yavo ngeci vashe vaka-vushunga.

³ Nga kukwesi mashiko, co kukwesi cuma cimo muka-vushunga alinga, omo vyuma vyoshe vishandoka.”

⁴ Shukulu Kalunga ali mu Njuvo yendi yakujela, ikeye ali a litanda lyendi mwilu. Mesho endi alinakukenga a vanu voshe, azivuka vije valinakulinga.

⁵ Ikeye alinakwilula vaka-vushunga na vaka-vuvi, oloni wazinda vaka-kapopolwezi na mbunge yendi yoshe.

⁶ Ikeye akatumu tuhya twa lilungu mukwenyeka vaka-vuvi, nakuvahisa na lihunzi lya kwenyeka.

⁷ Shukulu Kalunga wapwa wa vushunga, wazema vilinga vyavivwa, voshe vaje valinga mwamuvwa vakayoya nendi.