Myaso 1 - Livulu lya Shukulu Kalunga

LIVULU LYAKULIVANGA ( Myaso 1—41 ) Kuvwaelela kwa vushunga

¹ Navezika munu uje avyana kunangula kwa vaka-vuvi, munu uje kesi kutembunwina vingila vya vaka-vuvi, nambe kukala mu munga ya vaka-kuyeluwisa Njambi.

² Oloni ikeye avwaelela mukwononoka lishiko lya Shukulu Kalunga, co aliyongola mutanya na vutsiki.

³ Munu wa cifwa eci napu ngwe muti wakukuna ku vana va vindonga vya mema, muti uje wima vushuka vwawo a simbu yawo, na maputa awo lalo kuwesi kujujwama. Munu wa cifwa eci avezika mu vyoshe vyakalingi.

⁴ Oloni vaka-vuvi kuvesi ngeci embwe, vakevo vanalifu na lijungu lije lilinakupekumuka na lihunzi.

⁵ Vaka-vuvi Njambi akavahisa, co Njambi akavaangununa ku vanu vendi.

⁶ Mwa vushunga Shukulu Kalunga azivuka ngila ya vaka-vushunga, oloni ngila ya vaka-vuvi ikanyonga.