Muka-kwambulula 10 - Livulu lya Shukulu Kalunga

¹ Vinzinzi vakutsila mu lilulu lya mazi akuvwava akunika lwengo lwaluvwa vakalingisa aje mazi kunika mwamuvi, co na vulema vwavundondo vwasa kuviisa mana na kasingimiko.

² Mbunge ya munu muka-mana simbu yoshe ikamulingisa vyuma vyavivwa, oloni mbunge ya cilema ikamulingisa vyuma vyavivi.

³ Vulema vwendi vukapwa vukaleo kuli vangenzi, vaje aliwana navo a ngila, co munu woshe akamuzivuka ngeci ikeye wapwa cilema.

⁴ Nga muka-kushwana akuluvalesa kesi utunde vipangi, nga ulikeesa kuli ikeye, co akakusambesa ku milonga yove.

⁵ Kuli vuvi vumo vunjinamono ano asi, vuvi vuje valinakunena vaka-kushwana.

⁶ Vaka-kushwana vasingimika vilema, oloni vaka-kufuka vakevo kuvavasingimika.

⁷ Njamwene vindungo venda a tuvalu, oloni vaka-kufuka venda asi ngwe vindungo.

⁸ Nga winda mbulu, co ukawilamo, nga utuva civumbe, co linyoka akushuma.

⁹ Nga ushonga mamanya, co ukalitenda mbandu. Nga utavozola vitale, co ukavetwako.

¹⁰ Nga njaviti yove inakundwa, co kuushaka kuyotola, akuyipangesa kuvanga upange na nzili. Oloni vutongwe vunena kuvezika.

¹¹ Kuzivuka vyemba vya linyoka kukwesi na seo, nga kuwalisakele akulivanga simbu kanda linyoka akushume.

¹² Majwi akwendeka muka-mana amunenela kasingimiko, oloni majwi akwendeka cilema amunyongesa ikeye vavenya.

¹³ Majwi akashangumuka kusimutwiya nao apwa a vulema, co mamaneselelo awo akapu akuzaluka kwakuvi.

¹⁴ Cilema akatwalelelao kwendeka. Naumo wai wetu azivuka vije vikalingiwa kulutwe, co lalo naumo wai wetu atuleka vije vikalingiwa omo tutsa.

¹⁵ Vipangi vya cilema vimujukisa, omwo kazivuka ngila yakuya kwimbo lyendi.

¹⁶ Lifuti likala mu tuyando omo mwene walyo acili mwanike, co na vamyata valyo valinga ciwano vutsiki vwoshe.

¹⁷ Lifuti livezika omo mwene walyo napu wa mana, co vamyata vakalingi ciwano a simbu yaco, ngeci vakale na nzili kesi nakupenda.

¹⁸ Omo munalume ali na vulwa vwakushomwenena njuvo yendi, ije njuvo inyokwa, co isiwuka.

¹⁹ Kulya nakunwa vikulingisa ngeci uvwaelele, oloni nga kuwesi na vimbongo, kuwasa kulinga vyuma evi.

²⁰ Kesi uyongole kushaula mwene, nambe kesi ushaule muka-kufuka, nameme mu vushweke. Kazila asa kuzivako, co akambulula vije viwunendeka.