Kushangumuka 5 - Livulu lya Shukulu Kalunga

Vatekulwila va Andama

¹ Eli likelyo livulu lya vatekulwila va Andama. Omo Njambi watangele vanu, wavatangele mu cifwa cendi vavenya.

² Ikeye wavatangele munalume na munakazi, co wavavezikisile, nakuvaluka ngwendi, “Vanu.”

³ Omo Andama wakele na myaka 130 wakitile mwana wa munalume uje walifwile nendi, wamulukile lizina lyendi Seta.

⁴ Munima yakukita Seta, Andama wayoyele myaka ikwavo yakupwa 800, co wakitile lalo vana vakwavo va vanalume na ava va vanakazi.

⁵ Ikeye watsile omo wakele na myaka 930.

⁶ Omo Seta wakele na myaka 105 wakitile mwana wa munalume lizina lyendi Inoshe.

⁷ Ikeye wayoyele myaka ikwavo 807, co wakitile lalo vana vakwavo va vanalume na ava va vanakazi,

⁸ co watsile omo wakele na myaka 912.

⁹ Omo Inoshe wakele na myaka 90 wakitile mwana wa munalume lizina lyendi Kenani.

¹⁰ Ikeye lalo wayoyele myaka ikwavo 815, co wakitile vana vakwavo va vanalume na ava va vanakazi,

¹¹ co watsile omo wakele na myaka 905.

¹² Omo Kenani wakele na myaka 70 wakitile mwana wa munalume lizina lyendi Mahalalele.

¹³ Ikeye wayoyele myaka ikwavo 840, co wakitile lalo vana vakwavo va vanalume na ava va vanakazi,

¹⁴ co watsile omo wakele na myaka 910.

¹⁵ Omo Mahalalele wakele na myaka 65 wakitile mwana wa munalume lizina lyendi Njalende.

¹⁶ Ikeye wayoyele myaka ikwavo 830, co wakitile lalo vana vakwavo va vanalume na ava va vanakazi,

¹⁷ co watsile omo wakele na myaka 895.

¹⁸ Omo Njalende wakele na myaka 162 wakitile mwana wa munalume lizina lyendi Inoke.

¹⁹ Ikeye wayoyele myaka ikwavo 800, co wakitile lalo vana vakwavo va vanalume na ava va vanakazi,

²⁰ co watsile omo wakele na myaka 962.

²¹ Omo Inoke wakele na myaka 65 wakitile mwana wa munalume lizina lyendi Matusela.

²² Omo wakitile Matusela, Inoke wendele na kulitombola na Njambi a myaka 300. Co wakitile lalo vana vakwavo va vanalume na ava va vanakazi.

²³ Myaka yendi yayoyele yoshe yapwile 365.

²⁴ Inoke wendele na kulitombola na Njambi simbu yendi yoshe, co kuvamumwene lalo, omwo Njambi wamutwalele mwilu.

²⁵ Omo Matusela wakele na myaka 187 wakitile mwana wa munalume lizina lyendi Lameki.

²⁶ Ikeye wayoyele myaka ikwavo 782, co wakitile lalo vana vakwavo vavavalume na ava va vanakazi,

²⁷ co watsile omo wakele na myaka 969.

²⁸ Omo Lameki wakele na myaka 182 wakitile mwana wa munalume,

²⁹ wendekele ngwendi, “Mbututu ou akatuhwimisako ku vipangi vyetu vyakukaluwa ku livu eli vene lyasingile Shukulu Kalunga.” Co wamulukile lizina lyendi Nowa.

³⁰ Lameki wayoyele myaka ikwavo 595, co wakitile lalo vana vakwavo va vanalume na ava va vanakazi,

³¹ co watsile omo wakele na myaka 777.

³² Omo Nowa wakele na myaka 500 wakitile vana vatatu va vanalume, mazina avo, Shemi, na Hama, na Njafeta.