Kulava 7 - Livulu lya Shukulu Kalunga

Milambu ya vantwama

¹ A litangwa lije omo Mosesa wamanesele kutunga Mbalaka Mwakuliwanena, waivwavesele nakuyijelesa na vivala vyayo. Co lalo wavwavesele mutula nakuujelesa na vivala vyawo vyoshe.

² Asinoni vantwama, vaje vapwile va miyati ya Isalele, vakevo vanu vamolika vaje vakele na moko ya vaje vavalavele,

³ vanenele milambu yavo kuli Shukulu Kalunga. Valambwile matemba atanu na limo, na vingombe va nkomba likumi na vavali, litemba limo na limo a vantwama vavali, na ngombe wa nkomba umo kuli ntwama umo na umo. Co vavyakele kulutwe lwa Mbalaka.

⁴ Asinoni Shukulu Kalunga wendekele kuli Mosesa ngwendi,

⁵ “Tambula ovu vwana vwakupangesa ku vipangi vije vya mu Mbalaka Mwakuliwanena, uvwane kuli vaLevi ku munu na munu ngwe ku vipangi vyendi.”

⁶ Ngecivene, Mosesa wambatele matemba na vingombe va nkomba, co wavyanene kuli vaLevi.

⁷ Ikeye waanene matemba avali, na vingombe va nkomba vawana kuli vaNgeleshone ngwe ku vipangi vyavo,

⁸ co waanene matemba awana, na vingombe va nkomba vatanu na vatatu kuli vaMelali ngwe ku vipangi vyavo. Ntwama ya vipangi vyavo vyoshe wapwile Itamale muna Alone muka-kukombelela.

⁹ Oloni Mosesa kaanene matemba nambe vingombe va nkomba kuli vaKohate omwo vakevo vanyungile vyuma vyakujela nakuvyambata a vitsili vyavo.

¹⁰ Omo vavwavesele mutula, co vantwama lalo vatwalele milambu yavo yakukundika mutula.

¹¹ Co Shukulu Kalunga wendekele kuli Mosesa ngwendi, “Valeke ngwove a litangwa na litangwa, ntwama umo na umo akakombelele n̄ombelo yendi mukukundika mutula.”

¹² Ntwama uje watwalele mulambu wendi a litangwa lyakulivanga wapwile Nashone muna Aminandave, wa ku muyati wa Yunda.

¹³ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva. Vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

¹⁴ Walambwile lalo mbashiya imo ya ngolinde vulemu vyayo vwapwile mangilamu 110, yakushula na insense.

¹⁵ Walambwile lalo muna ngombe wa nkomba umo, na lijamba lya manga umo, na muna manga umo wa mwaka umo kupwa mulambu wa kwenyeka.

¹⁶ Walambwile lalo lijamba lya membe umo kupwa mulambu wa a vuvi.

¹⁷ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Nashone muna Aminandave.

¹⁸ Ntwama uje walambwile mulambu wendi a litangwa lyamucivali wapwile Netanela muna Zuwale, wa ku muyati wa Isakale.

¹⁹ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva. Vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

²⁰ Walambwile mbashiya imo ya ngolinde vulemu vwayo vwapwile mangilamu 110, yakushula na insense.

²¹ Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka.

²² Walambwile lalo lijamba lya membe umo kupwa mulambu wa a vuvi.

²³ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Netanela muna Zuwale.

²⁴ Ntwama uje walambwile mulambu wendi a litangwa lyamucitatu wapwile Elyave muna Helone, wa ku muyati wa Zembuloni.

²⁵ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

²⁶ Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense.

²⁷ Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

²⁸ Walambwile lalo lijamba lya membe umo kupwa mulambu wa a vuvi.

²⁹ Co wakombelelele vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Elyave muna Helone.

³⁰ Ntwama uje walambwile mulambu wendi a litangwa lyamuciwana wapwile Elizule muna Shendeule wa ku muyati wa Luvena.

³¹ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

³² Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense.

³³ Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

³⁴ Walambwile lalo lijamba lya membe umo kupwa mulambu wa a vuvi.

³⁵ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Elizule muna Shendeule.

³⁶ Ntwama uje walambwile mulambu wendi a litangwa lyamucitanu wapwile Shelumiyele muna Zulishandai wa ku muyati wa Simyoni.

³⁷ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

³⁸ Walambwile lalo mbashiya imo ya ngolinde, vulemu vwayo vwapwile mangilamu 110, yakushula na insense.

³⁹ Wakombelelele lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

⁴⁰ Walambwile lalo lijamba lya membe umo kupwa mulambu wa a vuvi.

⁴¹ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Shelumiyele muna Zulishandai.

⁴² Ntwama uje walambwile mulambu wendi a litangwa lyamucitanu na limo wapwile Elyasafe muna Ndewele wa ku muyati wa Ngande.

⁴³ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

⁴⁴ Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense.

⁴⁵ Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka.

⁴⁶ Walambwile lalo lijamba lya membe umo kupwa mulambu wa a vuvi.

⁴⁷ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Elyasafe muna Ndewele.

⁴⁸ Ntwama uje walambwile mulambu wendi a litangwa lyamucitanu na avali wapwile Elishama muna Amihunde wa ku muyati wa Efalime.

⁴⁹ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

⁵⁰ Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense.

⁵¹ Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka.

⁵² Walambwile lalo lijamba lya membe umo kupwa mulambu wa a vuvi.

⁵³ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Elishama muna Amihunde.

⁵⁴ Ntwama uje walambwile mulambu wendi a litangwa lyamucitanu na atatu wapwile Ngamalyele muna Pendazule wa ku muyati wa Manase.

⁵⁵ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

⁵⁶ Walambwile lalo mbashiya imo ya ngolinde, vulemu vwayo vwapwile mangilamu 110, yakushula na insense.

⁵⁷ Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka.

⁵⁸ Walambwile lalo lijamba lya membe umo kupwa mulambu wa a vuvi.

⁵⁹ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Ngamalyele muna Pendazule.

⁶⁰ Ntwama uje walambwile mulambu wendi a litangwa lyamucitanu na awana wapwile Avindane muna Ngilyone wa ku muyati wa Mbenjemani.

⁶¹ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

⁶² Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense.

⁶³ Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

⁶⁴ Walambwile lalo lijamba lya membe umo kupwa mulambu wa a vuvi.

⁶⁵ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Avindane muna Ngilyone.

⁶⁶ Ntwama uje walambwile mulambu wendi a litangwa lyamulikumi wapwile Ahiyezele muna Amishandai wa ku muyati wa Ndani.

⁶⁷ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

⁶⁸ Walambwile lalo mbashiya imo ya ngolinde, vulemu vwayo vwapwile mangilamu 110, yakushula na insense.

⁶⁹ Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

⁷⁰ Walambwile lalo lijamba lya membe umo kupwa mulambu wa a vuvi.

⁷¹ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Ahiyezele muna Amishandai.

⁷² Ntwama uje walambwile mulambu wendi a litangwa lyamulikumi na limo wapwile Pangiyele muna Okelane wa ku muyati wa Ashele.

⁷³ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi, kupwa mulambu wa vimbuto vya vinona.

⁷⁴ Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense.

⁷⁵ Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

⁷⁶ Walambwile lalo lijamba lya membe umo kupwa mulambu wa a vuvi.

⁷⁷ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Pangiyele muna Okelane.

⁷⁸ Ntwama uje walambwile mulambu wendi a litangwa lyamulikumi na avali wapwile Ahila muna Enane wa ku muyati wa Nafetali.

⁷⁹ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

⁸⁰ Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense.

⁸¹ Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

⁸² Walambwile lalo lijamba lya membe umo kupwa mulambu wa a vuvi.

⁸³ Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Ahila muna Enane.

⁸⁴ Vungi vwa milambu vatwalele vaje vantwama likumi na vavali mukukundika mutula a litangwa lyakuuvwavesa vwapwile malonga likumi na avali a siliva akushalamena, na mambashiya likumi na avali a siliva, na mambashiya likumi na avali a ngolinde.

⁸⁵ Vulemu vwao vwapwile makilo 27.6 kupwisa ku vulemu vuje vemika.

⁸⁶ Valambwile lalo mambashiya a ngolinde likumi na avali akushula na insense, vulemu vwao vwapwile makilo 1.32, ngwe ku vulemu vuje vemika.

⁸⁷ Vungi vwa vimuna vavalambwile kupwa mulambu wa kwenyeka vapwile vingombe va nkomba likumi na vavali, na majamba a vimanga likumi na vavali, na vana va vimanga likumi na vavali va mwaka umo, amo na milambu yavyo ya vimbuto. Co lalo valambwile majamba a vimembe likumi na vavali kupwa mulambu wa a vuvi.

⁸⁸ Vungi vwa vimuna vavalambwile kupwa mulambu wa kulitombola vapwile vingombe va nkomba makumi avali na vawana, na majamba a vimanga makumi atanu na limo, na majamba a vimembe makumi atanu na limo, na vana va vimanga va mwaka umo makumi atanu na limo. Eyi ikeyo yapwile milambu yakukundika mutula omo vanauvwavesa.

⁸⁹ Omo Mosesa washakele kwendeka na Shukulu Kalunga, co wakovelele mu Mbalaka Mwakuliwanena, co wazivile lijwi lya Shukulu Kalunga lyakele nakwendeka nendi akamwa ya cikasa ca Cikumiiyo mukati ka vakelumbi va mambava vavali.