Isaya 12 - Livulu lya Shukulu Kalunga

Mwaso wakushangazala

¹ Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

² Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

³ Ngwe omo mema akutonola akanene kujolela kuli uje ali na lihwila, ngecivene, vanu va Njambi vajolela omo avamena.”

⁴ Litangwa lilinakwija omo vanu vakaimba ngwavo, “Kandeleleni kuli Shukulu Kalunga! Lemeseni ikeye lika! Ambululeni vilinga vyendi akati ka vanu! Valekeni vukama vwa vumpau vwendi.

⁵ Imbileni kuli Shukulu Kalunga omwo nalingi vyuma vyakukomokesa. Imbeni nakumushangazala ano asi oshe.

⁶ Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”